Torbjørn Løkken

Torbjørn Løkken
Statsborgarskap	Noreg
Fødd	28. juni 1963 (62 år) Gjøvik kommune
Idrett	kombinert
Tok del i	Vinter-OL 1988
Utmerkingar	Aftenpostens Gullmedalje

Torbjørn Løkken (fødd 28. juni 1963) er ein norsk tidlegare kombinertløpar frå Biri i Oppland. 1987 var hans store sesong, han vann då VM i Oberstdorf individuelt og verdscupen i kombinert, samt tre verdscuprenn og noregsmeisterskapen. Løkken var medlem av Biri Idrettslag og gjekk under tilnamnet «Biri'n».

Karriere

Løkken byrja markere seg mellom dei beste kombinertrennarane i 1985-sesongen. Han fekk då to andreplassar i verdscupen i kombinert og tok bronsemedaljen i noregsmeisterskapen. Etter ein heller svak 1986-sesong kom han tilbake og var verdas beste kombinerutøvar i 1987. Gjennom sesongen vann han tre verdscuprenn og vart verdsmeister i kombinert i Oberstdorf framom landsmannen Trond Arne Bredesen. Dei same to løparane vann også VM-sølv for Noreg i lagtevlinga, saman med Hallstein Bøgseth.

Løkken vann to verdscuprenn i OL-sesongen 1988, men vart nummer seks i kombinertøvinga under dei olympiske leikane i Calgary. Han trappa ned satsinga på idretten ved sesongslutt i 1988, la opp i 1990 og utdanna seg til sjukepleiar.

Ymse

Mange år seinare vart det offentleg kjent at Løkken i lang tid hadde vore rusmisbrukar.

Verdscupsigrar

#	Dato	Stad
1	13. desember 1986	Canmore Canada
2	17. januar 1987	Autrans Frankrike
3	6. mars 1987	Falun Sverige
4	9. januar 1988	St. Moritz Sveits
5	18. mars 1988	Holmenkollen Noreg

Medaljar og besteplasseringar i noregsmeisterskap

• Ski-NM 1984: Nr 8 i Hof
• Ski-NM 1985: Bronsemedalje i Tromsø
• Ski-NM 1986: Sølvmedalje på Vang
• Ski-NM 1987: Gullmedalje i Steinkjer
• Ski-NM 1988: Sølvmedalje på Vang

Løkken vart tildelt Morgenbladets Gullmedalje i 1987.

Kjelder

• Sportsboken, aktuelle årgangar
• Torbjørn Løkken i fis-ski.com
• Torbjørn Løkken i olympedia.org

Bakgrunnsstoff

• Torbjørn Løkken i fis-ski.com
• Torbjørn Løkken i olympedia.org