Tore Elias Hoel

Frå Wikipedia – det frie oppslagsverket
Hopp til navigering Hopp til søk
Tore Elias Hoel
Tore Elias Hoel.jpg
Fødd 14. desember 1953
Harstad
Yrke forfattar, skribent, lyrikar

Tore Elias Hoel (fødd 14. desember 1953) er ein norsk lektor, lyrikar og ungdomsbokforfattar frå i Harstad.

Han har skrive seks ungdomsromanar, to diktsamlingar og ein libretto til ein opera for born. Han er utdanna cand. philol. og har undervist i norsk litteratur på universitet, distriktshøgskule og lærarhøgskule og i norsk og historie på vidaregåande skule. Han bur i Bodø og arbeider på Bodø videregående skole.

I intervju har Hoel fortalt at han i diktsamlingane sine prøvde å utvida den politiske lyrikken i ekspresjonistisk retning. Etter ein pause i forfattarskapen begynte han å skriva romanar for ungdom. Desse relativt korte romanane har alle eit avgrensa tidsforløp (handlinga skjer innanfor eitt døgn), og dei tar utgangspunkt i ei kaoskjensle (oppløyste familiar, eit samfunn utan styring) der også sorg og sakn står sentralt. I alle romanane har kunst ein plass, som utveg til å byggja ein ny identitet. Språket i romanane er kortfatta og sakleg.

Hoel skreiv i 2005 librettoen til ein opera for born, Jomfru Rosenving på Santavajasø. Musikken blei laga av Sigmund Lillebjerka. Operaen blei framført i 2005 i Bodø og Mo i Rana.

Bibliografi[endre | endre wikiteksten]

  • 1979 – Å fange en hval (diktsamling)
  • 1981 – Presidentens ro (diktsamling)
  • 1988 – Verdsmeisteren (ungdom)
  • 1991 – Eg heiter Pawel (ungdom)
  • 1999 – Fire dagar i Nairobi (ungdom)
  • 2003 – Glaskula (ungdom)
  • 2005 – Vinterfilm (ungdom)
  • 2005 - Jomfru Rosenving på Santavajasø (libretto til barneopera)
  • 2007 - To gutar til Paris (ungdom)

Prisar[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]

[[Kategori:Forfattarar frå Troms}}