Torfi Bryngeirsson

Frå Wikipedia – det frie oppslagsverket
Hopp til navigering Hopp til søk
Torfi Bryngeirsson
Statsborgarskap Island
Fødd 11. november 1926
Island
Død

15. juli 1995
Reykjavík

Idrett friidrett
Yrke stavhopper

Torfi Bryngeirsson (11. november 192615. juli 1995) var ein islandsk friidrettsutøvar frå Vestmannaeyjar som i 1950 vart europameister i lengdehopp. Han deltok i stavhopp både under Sommar-OL 1948, Friidretts-EM 1950, Sommar-OL 1952 og Friidretts-EM 1954, utan å nå opp mellom dei åtte beste.

I 1950 sette Torfi landsrekord i stavhopp med 4,25 meter heime i Reykjavik. Vel tre veker seinare var han på plass i Brussel under EM i friidrett 1950, der han kvalifiserte seg til finalane i både stav og lengde. Ettersom begge finaletevlingane fann stad den 26. august, deltok han ikkje i stav-tevlinga (=nummer 10 med kvalifiseringshoppet 4,00 m), konsentrete seg i staden om lengde-tevlinga. Etter å ha vore tredje best i kvalifiseringa med 7,20 m, gjorde Torfi sitt livs lengdehopp i finalen då han landa på 7,32 meter og slo andremann med 10 centimeter.

Tidleg i juli 1951 forbetra Torfi den islandske stavrekorden til 4,32 m ved eit stemne i Stockholm. Han auka til 4,35 m den 1. august 1952 i Gävle, eit par veker før sommarleikane i Helsinki. Her var han ein av 19 utøvarar som tok seg over kvalifiseringshøgda på 4 meter, men i finalen stoppa han på 3,95 m og enda dermed på delt 14. plass. Ved europameisterskapen 1954 kvalifiserte Torfi seg til finalen med eit hopp på 4,05 m, men deltok ikkje vidare.

Kjelder[endre | endre wikiteksten]