Torkild Fosse
| Torkild Fosse | |||
| Fødd | 16. februar 1828 Sauland | ||
|---|---|---|---|
| Død | 1. juli 1902 (74 år) | ||
| Statsborgar av | Noreg | ||
| Parti | Venstre | ||
| Yrke | politikar, lærar, bibliotekar | ||
| Alle verv |
| ||
Torkild Olsson Fosse (16. februar 1828–1. juli 1902) var ein lærar og stortingsmann frå Sauland i Telemark. Han var medlem av Venstre.
Fosse var son til ein gardbrukar. Han vart seminarist frå Holt seminar i 1846 og var i dei komande åra privatlærar. I 1854 vart han lærar ved borgarskulen i Tromsø, frå 1856 også timelærar ved middel- og realskulen i byen. Han avla eksamen til artium i 1864, men tok ikkje studiar fatt. I staden heldt han fram som lærar i Tromsø og han var bibliotekar ved Tromsø kommunale bibliotek. Han slutta lærargjerninga i 1898.
Fosse var i over 20 år medlem av bystyret i Tromsø, og ordførar i fleire år. Han representerte bykrinsen Tromsø og Bodø på Stortinget frå 1883 til 1888. Perioden 1883-85 var han medlem av justiskomiteen, samt 1883 av traktatkomiteen. Medan han 1886-88 var medlem av Lagtinget og av justiskomite nr 2.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Torkild Fosse NSD Norsk senter for forskningsdatas politikararkiv