Tromsøya

Frå Wikipedia – det frie oppslagsverket
Hopp til navigering Hopp til søk
Tromsøya
øy
Tromsö IMG 4973.JPG
Land Flag of Norway.svg Noreg

Tromsøya
69°40′0″ N 18°57′0″ E
Wikimedia Commons: Tromsøya

Tromsøya (nordsamisk Romssasuolu) er ei øy i sundet mellom fastlandet og Kvaløya i Tromsø kommune i Troms og Finnmark. Tromsø sentrum ligg aust på øya, og store delar av folkesetnaden i byen bur spreidd kringom på øya. Tromsø lufthamn Langnes ligg på vestsida, og øya er knytt til Tromsdalen på fastlandet med Tromsøbrua og Tromsøysundtunnelen og til Kvaløya med Sandnessundbrua.

Øya er på 22,39 km² og kring 10 km lang frå nord til sør. Høgaste punkt er Varden, 159 moh., nord på øya. Midt oppe på øya ligg innsjøen Prestvannet, som vart demma opp i 1867. Det er område med skog langs høgdedraget som går i nord-sørretning. Både Universitetet i Tromsø, Universitetssykehuset Nord-Norge og Tromsø Museum har tilhald på den austlege delen av øya.

Folkesetnad[endre | endre wikiteksten]

Tromsøya er den folkerikaste øya i Noreg, etter å ha passert Hinnøya. Ho hadde 38 980 innbyggjarar 1. januar 2017,[1] fordelt på fem statistiske delområde:

  • Tromsø 6 784
  • Sommerlyst 7 283
  • Nordre Tromsøya 7 477
  • Mortensnes 9 046
  • Søndre Tromsøya 5 498

Delområdet Tromsø består av sentrum og området rundt. Sommerlyst og Mortensnes omfattar vestsida av øya.

Kjelder[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedium som gjeld: Tromsøya
Tromsøya