Tsjerkessk

Tsjerkessk
Черкесск
by
Våpenskjold
Land	Russland
Føderasjonssubjekt	Karatsjajevo-Tsjerkessia
Høgd	530 m
Areal	69,8 km²
Folketal	123 100 (1. januar 2021)
Grunnlagd	1804
•  Bystatus	1931
Postnummer	369000–369016
Retningsnummer	(+7) 8782
Tsjerkessk 44.222222222222°N 42.0575°E / 44.222222222222; 42.0575
Wikimedia Commons: Cherkessk

Tsjerkessk (russisk Черке́сск) er hovudstad i Republikken Karatsjajevo-Tsjerkessia i Russland med om lag 125 000 innbyggjarar. Han ligg ved elva Kuban i Nord-Kaukasus, rundt 1300 km søraust for Moskva.

Byen vart grunnlagt i 1804 som ein kosakk-stanitsa kalla Batalpasjinskaja, etter Batal-Pasja, ein tyrkisk general av tsjerkessisk nedkomst, som i 1790 vart sigra over i eit slag i nærleiken I 1931 fekk staden bystatus med namnet Batalpasjinsk. Namnet vart i 1934 endra til Sulimov, i 1937 til Jezjovo-Tsjerkessk og om sider Tsjerkessk i 1939.

I byen bur det tsjerkessarar, karatsjaiar, russarar, abazinarar, nogaiar og minoritetar av grekarar og armenarar.

Tsjerkessk er administrativt, politisk, økonomisk og kulturelt senter for Republikken Karatsjajevo-Tsjerkessia. Av industri i byen finn ein elektroindustri, produksjon av lærvarer og næringsmiddelindustri. Byen har fleire høgare utdanningsinstitusjonar.

Kjelder

• Denne artikkelen bygger på «Tsjerkessk» frå Wikipedia på bokmål, den 7. januar 2009.

Bakgrunnsstoff

Commons har multimedium som gjeld: Tsjerkessk

• Offisiell nettstad