Ulrik Lange

Ulrik Lange
	Ulrik Lange
	;
Fødd	28. juli 1808
Død	8. september 1878 (70 år)
Statsborgar av	Noreg
Yrke	politikar
Mor	Dorthea Helene Larsen
Far	Johan Jørgen Lange
Barn	Otto Wincent Lange, Albert Nikolai Lange
Medlem	Det Kongelige Norske Videnskabers Selskab; Det Norske Videnskaps-Akademi
Alle verv	stortingsrepresentant (1842–1844); stortingsrepresentant (1845–1847); vararepresentant til Stortinget (1848–1850); stortingsrepresentant (1854–1856); stortingsrepresentant (1857–1858); stortingsrepresentant (1859–1861); ordførar i Tromsø (1837–1840); ordførar i Tromsø (1843–1844); ordførar i Tromsø (1846–1848); ordførar i Lillehammer (1853–1853); ordførar i Lillehammer (1855–1855); ordførar i Lillehammer (1861–1863) ;

Ulrik Frederik Lange (28. juli 1808–8. september 1878) var ein norsk skulemann og stortingsmann, fødd på Jevnaker i Oppland. Otto Lange var bror hans.

Ulrik Lange vart student frå Christiania katedralskole i 1826 og cand. theol. i 1832. Under studietida var han lærar ved latinskulane i Drammen og seinare i Christiania. Frå 1832 var han styrar av Tromsø middelskole, til han 1849 fekk ei liknande stilling på Lillehammer. Der arbeidde han til han døydde.

Lange var bystyremedlem i mange år, både i Tromsø og på Lillehammer.

Lange representerte Tromsø på Stortinget i 1842 og 1845, og krinsen Lillehammer og Hamar 1854-60. Han var medlem 1842 av gasje- og pensjonskomiteen, 1845 av kyrkjekomite nr 2, 1854 av kyrkjekomiteen og komiteen om fordelinga av vegskatten. 1857 var han formann i kyrkjekomiteen og medlem av komiteen om representasjonsfordelinga, 1859-60 atter medlem av kyrkjekomiteen. Både i 1857, på omframstortinget 1858 og det ordinære Stortinget 1859-60 var Lange medlem av Lagtinget.

Han døydde på Lillehammer i 1878, ein månad før han skulle gå av frå rektorstillinga.

Kjelder

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Ulrik Lange ved PolSys hos Sikt – Kunnskapssektorens tjenesteleverandør