Utvær skipreide
Utvær skipreide var ei av atten skipreider i Sogn.[1]
Geografisk område etter gammal inndeling:
- Husøy sokn
- del av Eivindvik sokn (området nord for Sognesjøen og vest for Krakhellesundet, 1859 utskilt som Solund sokn)
- del av Vilnes sokn (området sør for Buefjorden)
- del av Øn sokn ( garden Krakken)
Geografisk område etter noverande inndeling:
- Solund kommune (unnateke øya Losna)
På Vestlandet vart skipreidene avløyste av tinglag i begynninga av 1800-talet, og etterkvart vart grensene regulerte slik at dei samsvarte betre med sokne- og kommunegrensene. Når det gjeld Utvær tinglag gjekk det derimot i hi retninga: 1888 vart dei delar av tinglaget som høyrde til Vilnes sokn i Askvoll kommune og Øn sokn i Hyllestad kommune overførte til Solund sokn i Utvær kommune, slik at kommunen fekk same grenser som tinglaget. 1890 vart namnet Utvær skifta til Solund (før 1923 skrive Sulen) på både kommune og tinglag.[2][3]