Våg skipreide

Bekkjarvik, om lag midt i det gamle Våg skipreide, ligg i Austevoll kommune, men høyrde før 1964 til Fitjar kommune.

Våg skipreide var ei av elleve skipreider i Sunnhordland. Kva for stad som har gjeve namn åt skipreida er uklart.

Geografisk område etter gammal inndeling:

• Austevoll sokn
• Møkster sokn
• Fitjar sokn (unnateke øyane vest for Trollosen og Eggøyosen)

Geografisk område etter noverande inndeling:

• Austevoll kommune
• Fitjar kommune (unnateke øyane vest for Trollosen og Eggøyosen)
• del av Bømlo kommune (Aga krins)

På Vestlandet vart skipreidene avløyste av tinglag først i begynninga av 1800-talet, og etterkvart vart grensene regulerte slik at dei samsvarte betre med sokne- og kommunegrensene. 1866 vart Våg tinglag oppløyst og erstatta av Fitjar tinglag, tilsvarande Fitjar kommune og sokn, mens Austevoll og Møkster vart lagde til det nyoppretta Sund tinglag.

Bakgrunnsstoff

• Kart over Hordaland med skipreidene innteikna (frå Norsk historisk leksikon)