Véria

Véria Lokalt namn Βέροια
Utsyn over Véria
Geografi
Stad	Makedonía
Koordinatar	40°31′14″N 22°12′8″E
Areal	791,4 km²
Administrasjon
Land	Hellas
Periferi Periferieining	Sentral-Makedonía Imathía
Hovudsete	Véria (42 508 innb.)
Demografi
Folketal	62 655 (2021)
Folketettleik	79,2 /km²

Véria (gresk Βέροια), òg skrive Veroia, er hovudsete i kommunen med same namn og hovudstad i periferieininga Imathía i periferien Sentral-Makedonía i Hellas. Byen er òg sete for eit bispedøme i den gresk-ortodokse kyrkja.

Historie

Véria ligg same stad som den antikke byen Berøa (òg kalla Berea eller Beroea), som var viktig på 300-talet fvt. og som var ein del av Kongedømet Makedonia. Som ein del av Romarriket frå 168 fvt. talte Paulus og Silas her i år 54 eller 55 evt. Diocletian gjorde den store og folkerike byen til ein av to hovudstadar i den romerske provinsen og vart ein av dei første byane som vart sete for ein biskop. Byen vart invadert av slavarar og erobra av Det osmanske riket i 1361, som gav han namnet Kara Ferye. Han vart ein del av Hellas igjen i 1912 etter den første balkankrigen.

Véria hadde ein ganske stor jødisk fellesskap i det 1. hundreåret evt. Paulus trekte seg tilbake til Véria med Silas og Timoteus frå jødisk forfølging i Thessaloníki. Då forfølgjarane følgde etter han trekte han til sjøs og reiste til Aten (Apg 17:10-15). Jødane i Véria var derimot meir villige til å lytte til Paulus enn i Thessaloníki, og ein av dei, Sopater eller Sosipater, vart ein av følgjesveinane til Paulus.

Klima

Véria har ofte kalde og våte vintrar og tørre og varme somrar. Sommaren 2007 fekk Véria ein av dei høgaste temperaturane ein nokon gong har målt her med 44 °C.

Månad	Jan	Feb	Mar	Apr	Mai	Jun	Jul	Aug	Sep	Okt	Nov	Des
Maks. [°C]	7	9	10	16	19	29	29	24	19	16	12	5
Min. [°C]	3	6	8	11	16	19	17	14	12	10	8	4
Varmerekordar [°C]	20	22	25	31	36	44	42	39	36	32	27	26

Administrativ inndeling

Kart over kommunaleiningane i kommunen Véria. ██ 1 - Véria ██ 2 - Verjína ██ 3 - Makedonída ██ 4 - Dovrás ██ 5 - Apóstolos Pávlos

Den tidlegare kommunen Véria, no kommunaleininga Véria

Frå 2011 omfattar kommunen Véria òg dei tidlegare kommunane Verjína, Makedonída, Dovrás og Apóstolos Pávlos. Dei fem tidlegare kommunane er no kommunaleiningar.

Ved folketeljinga i 2021 hadde kommunen 62 655 innbyggjarar, medan kommunaleininga Véria hadde 46 976 og tettstaden med same namn 42 508 innbyggjarar.

Byar og tettstader

Dei største byane og tettstadene i kommunen er:

Tettstad	Kommunaleining	Folketal 2011	Folketal 2021
Véria	Véria	43 158	42 508
Makrokhóri	Apóstolos Pávlos	5 189	4 870
Ájos Jeórjos	Dovrás	1 763	1 474
Patrída	Dovrás	1 492	1 314
Diavatós	Apóstolos Pávlos	1 276	1 096
Verjína	Verjína	1 242	1 096
Ajía Varvára	Véria	896	991
Kouloúra	Apóstolos Pávlos	992	941
Palatítsia	Verjína	834	734
Ajía Marína	Dovrás	864	698
Rizómata	Makedonída	816	632
Rákhi	Véria	610	616
Néa Nikomídia	Apóstolos Pávlos	801	607
Asómata	Véria	607	551
Trílofo	Dovrás	615	522
Tripótamos	Véria	533	480
Mési	Véria	568	407

Bakgrunnsstoff

• Offisiell nettstad (gresk)

Kjelde

• Denne artikkelen er basert på ei omsetjing av artikkelen Veria frå Engelsk Wikipedia .