Valderøytunnelen
 | |
| Lengd | 4 222 meter |
|---|---|
| Stigning | 8,5%[1] |
| Trafikk | 9 033 (2024)[2] |
| Opna | 1987 |
 Valderøytunnelen 62°30′00″N 6°09′07″E / 62.5°N 6.1519444444444°E | |
Valderøytunnelen er ein undersjøisk tunnel på riksveg 658 i Ålesund og Giske kommunar i Møre og Romsdal. Tunnelen går under Valderhaugfjorden mellom Hovset på Ellingsøya og Ytreland på Valderøya. Tunnelen er 4222 meter lang, når 137 meter under havet, og største stigning er 8,5 %. Valderøytunnelen blei opna i 1987. Saman med Ellingsøytunnelen gav den ferjefritt vegsamband mellom Ålesund og Valderøya i Giske kommune, og dermed også ferjefritt samband til Ålesund lufthamn, Vigra på Vigra.
Tunnelen var ein bomveg, bomstasjonen stod på Kverve på Ellingsøya. Bomperioden skulle opphavleg vare i 15 år, men på grunn av økonomiske problem hos tunnelselskapet, vart perioden forlenga til 22 år. Bompengeperioden opphøyrde i november 2009, og det er no gratis å bruke tunnelen.
Det er ikkje tillate for fotgjengarar og syklistar å ferdast i Valderøytunnelen.
Sjå også
[endre | endre wikiteksten]Kjelder
[endre | endre wikiteksten]- ↑ Nasjonal vegdatabank, Wikidata Q55698494
- ↑ «Trafikkdata Rv658 Valderøytunnelen». Statens vegvesen.