Vangsjøen

Vangsjøen
innsjø
Vangsjøen sett frå Rabalsmellen. I bakgrunnen kan ein sjå Skaget og Jotunheimen.
Land	Noreg
Fylke	Innlandet
Kommune	Øystre Slidre
Høgd over havet	911 moh.
Areal	1,378 km²
Vangsjøen 61.151°N 9.2288°E / 61.151; 9.2288
Wikimedia Commons: Vangsjøen

Vangsjøen er ein innsjø i Øystre Slidre kommune i Valdres i Innlandet. Han ligg 911 meter over havet og arealet er 1,378 km². Han strekkjer seg frå Rabalsmellen (1111 moh) i søraust til Rennsennberget (1014 moh) i nordvest. Dei tre største tilløpselvane i Vangsjøen kjem frå Rabalsvatnet, Røyri og Rennsennvannet. Den eianste elva som renn ut av Vangsjøen er Vangsjøåni som renn vidare til Yddin. Vangsjøen er ein del av Vindavassdraget.

Vangsjøen er i hovudsak eit privateigd vatn, men fiskekort kan kjøpast. I Vangsjøen finst aure, åbor og ørekyte.

Området rundt sjøen er prega av stølsdrift med kyr og geiter, og er eit populært hytte- og turområde både sommar og vinter. Rundt vatnet finst stølane Bukono, Rabalen, Buahaugen og Rennsennstølen. På austsida av sjøen ligg Vangsjøen Høyfjellstue.

Bakgrunnsstoff

• Vangsjøen Høyfjellstue Arkivert 2007-10-21 ved Wayback Machine..