Varaldsøy
| Varaldsøy | |
|---|---|
 Varaldsøy sett frå sør | |
| Geografi | |
| |
| Stad | Hardangerfjorden |
| Koordinatar | Koordinatar:
|
| Areal | 45,4 km²
|
| Høgaste punkt | Øyefjellet (600 moh.)
|
| Administrasjon | |
| Land | Noreg |
| Fylke | Vestland
|
Varaldsøy er den største øya i Hardangerfjorden og høyrer til Kvinnherad kommune i Vestland. Ho er òg ein tidlegare sjølvstendig kommune. Øya har eit areal på 45,4 km².
Fylkesveg 126 går frå ferjekaia til Gjuvsland. Øya har ferjesamband til Årsnes i sør og Gjermundshamn i vest.
Kommunesoge[endre | endre wikiteksten]
Frå 1837 var Varaldsøy del av Strandebarm formannskapsdistrikt.
1. januar 1902 vart Varaldsøy skild ut som eigen kommune. I tillegg til sjølve øya femnde kommunen òg Mundheimsområdet på fastlandet vestom øya.
1. januar 1965 vart det meste av Varaldsøy med 511 innbyggjarar slått saman med Fjelberg og Kvinnherad kommune samt eit område nord for Skånevikfjorden/Åkrafjorden i Skånevik kommune til den nye Kvinnherad kommune.
Ein del av Mundheim krets i Varaldsøy med 300 innbyggjarar vart frå same tidspunkt slått saman med delar av Jondal, Kvam og Strandebarm kommunar til den nye Kvam kommune.
Folketalsutvikling[endre | endre wikiteksten]
Folketalsutvikling for tidlegare Varaldsøy kommune frå 1920 til 1965:
| 1.12.1920[1] | 1.12.1930[2] | 3.12.1946[2] | 1.1.1951[3] | 1.1.1961[3] | 1.1.1965[3] |
|---|---|---|---|---|---|
| 834 | 760 | 843 | 812 | 830 | 809 |
Kjelder[endre | endre wikiteksten]
- Denne artikkelen bygger på «Varaldsøy» frå Wikipedia på bokmål, den 7. april 2008.