Vegusdal

Vegusdal
stad
Land	Noreg
Vegusdal 58°34′45″ N 8°8′44″ E

Vegusdal kyrkje

Vegusdal er ei bygd og ein tidlegare heradskommune i Aust-Agder. Heradet hadde ei flatevidd på 325,1 km². Landskapet er prega av fleire større nord-sør-gåande elvar, så som Tovdalselva, Hovlandsdalsåna/Flatelandsåna, Engelsåna, Rettåna og Skreerosåna, som lagar større vatn. Kring vatna er store myrar med skogkledde åsar og nakne heiar. I alt er det kring 525 vatn i bygda. Berggrunnen er mest gneis, jorda er både sandblanda moldjord og myrjord. Høgste punktet på 660 moh ligg i nord, lågaste punktet er kring 140 moh.

Årsnedbøren er 1196 mm, middeltemperaturen 5,2.

Soga om Vegusdal herad

Heradskommunen Vegusdal vart oppretta frå 1. januar 1877, og hadde då 935 innbyggarar. Tidlegare var bygda del av Evje herad. Vegusdal hadde i 1900 941 innbyggarar, det auka til 1051, før det byrja gå tilbake, i 1960 budde 695 menneske i heradet. Kommunen vart i 1967 slått saman med Birkenes og Herefoss til nye Birkenes kommune.

Kyrkja

Vegusdal kyrkje er frå 1867.

Folkenamn

Ein person frå bygda er ein vegdøl.

Kjelder

• Kristian Gleditsch (1964). «Vegusdal». I Arnulv Sudmann. Norsk allkunnebok. 10. bandet. Oslo: Fonna Forlag. s. 1002-1003. 

Bakgrunnsstoff

• Vegusdal sogenemnd, red. (1995). Vegusdal : gards- og ættesoge. Engesland: Vegusdal sogenemnd. 
• Olav Hovland (1956). «Vegusdal». I H.M. Fiskaa og H. Falck Myckland. Norges bebyggelse : Sørlige seksjon Herredsbindet for Aust-Agder Vestre del. Oslo: Norsk faglitteratur. s. 767. 
• Amund Helland, red. (1904). «Vegusdal». Norges land og folk : topografisk-statistisk beskrevet : topografisk-statistisk beskrivelse over. 9 2 : Nedenes amt Byerne og herrederne. Kristiania: Aschehoug. s. 445-457. 
• SSB, red. (1962). Folketellingen 1. november 1960 : tellingsresultater : tilbakegående tall : prognoser : : 0934 Vegusdal. Oslo: Statistisk sentralbyrå. 
• «Forskrift om sammenslåing av Birkenes, Åmli, Froland, Herefoss, Vegusdal, Tovdal og Mykland kommuner, Aust-Agder.» (lovdata.no)
• «Forskrift om kommunenavn, Birkenes kommune, Aust-Agder.» (lovdata.no)