Verdscupen i langrenn 1974

Verdscupen i langrenn i 1974-sesongen, den aller fyrste i langrennsøvinga, omfatta 10 individuelle tevlingar og 2 stafettar, alle for menn. Tevlingane tok til 9. januar 1974 og vart avslutta 9. mars. Turneringa bestod av fem tevlingar over 15 kilometer, to over 30 km og tre 50-kilometerar. Renna fann stad i Kastelruth i Italia, Le Brassus (2) i Sveits, Reit im Winkl (2) i Vest-Tyskland, Falun (3) i Sverige, Lahti (2) i Finland og Oslo (2) i Noreg.

Ivar Formo frå Noreg vann verdscupen, utan å vinne eitt einaste renn. Finske Juha Mieto, som kom på andreplassen, vann to renn. Det same gjorde norske Magne Myrmo. Gert-Dietmar Klause og Gerhard Grimmer, begge Aust-Tyskland, Alfred Kälin frå Sveits, Thomas Magnusson frå Sverige, Vasilij P. Rotsjev frå Sovjetunionen og Juhani Repo frå Finland sigra i kvar sitt renn.

Individuelt

Plass	Utøvar	Land	Poeng
1	Ivar Formo	Noreg	113
2	Juha Mieto	Finland	110
3	Edi Hauser	Sveits	94
4	Stanislav Henych	Tsjekkoslovakia	89
5	Magne Myrmo	Noreg	86
6	Gerhard Grimmer	Aust-Tyskland	85
7	Oddvar Brå	Noreg	75
8	Thomas Magnusson	Sverige	72
9	Lars-Göran Åslund	Sverige	69
10	Pål Tyldum	Noreg	63
11	Vasilij P. Rotsjev	Sovjetunionen	61
12	Gert-Dietmar Klause	Aust-Tyskland	60
13	Sven-Åke Lundbäck	Sverige	57
14	Alfred Kälin	Sveits	54
15	Dieter Meinel	Aust-Tyskland
	Georg Zipfel	Vest-Tyskland	46
17	Ivan Garanin	Sovjetunionen	37
18	Jan Staszel	Polen	35
19	Jíři Beran	Tsjekkoslovakia	34
20	Odd Martinsen	Noreg	33

Verdscupen vart organisert av Det internasjonale skiforbundet (FIS), men hadde likevel uoffisiell status. Poeng vart tildelt dei 20 beste løparane i dei individuelle tevlingane, etter ein skala frå 26 poeng for siger, vidare 22 og 19 poeng for andre- og tredjeplass. Poengskalaen heldt fram med 17, 16, 15, 14, 13, 12, 11, 10, 9, 8, 7, 6, 5, 4, 3, 2, og 1. I samandraget fekk utøvarane med seg poenga frå deira seks beste plasseringar.

Ingen verdscup i langrenn for kvinner før 1979-sesongen.

Kjelder

• Denne artikkelen bygger på «Https://de.wikipedia.org/wiki/Skilanglauf-Weltcup_1974» frå Wikipedia på tysk, den 14. november 2020.