Verdscupen i langrenn 1986/Kvinner

Verdscupen i langrenn for kvinner i 1986-sesongen omfatta 14 tevlingar, av dei 9 individuelle renn og 5 stafettar. Tevlingane tok til 7. desember 1985 og vart avslutta 15. mars 1986. Dei ni individuelle renna bestod av to tevlingar over 5 kilometer, fire over 10 km, to 20-kilometerar og ei tremil. Renna fann stad i Labrador City i Canada, Bibawik (2) i USA, Le Saisies i Frankrike, Klingenthal i dåverande Aust-Tyskland, Nové Město na Moravě i dåverande Tsjekkoslovakia, Oberstdorf (2) i dåverande Vest-Tyskland, Kavgolovo i dåverande Sovjetunionen, Lahti (2) i Finland, Falun i Sverige og Oslo (2) i Noreg.

Finlands Marjo Matikainen vann FIS-pokalen med minst mogleg margin. Ho enda eitt poeng føre Marianne Dahlmo og tre poeng framom Brit Pettersen, begge frå Noreg. Matikainen og Pettersen vann kvar sine to renn, medan Gaby Nestler og Simone Opitz, begge Aust-Tyskland, førnemnde Dahlmo og Anne Jahren, begge Noreg, samt finske Jaana Savolainen vann ei tevling kvar.

Individuelt

Plass	Utøvar	Land	Poeng
1	Marjo Matikainen	Finland	107
2	Marianne Dahlmo	Noreg	106
3	Brit Pettersen	Noreg	104
4	Anne Jahren	Noreg	88
5	Simone Opitz	Aust-Tyskland	60
6	Gaby Nestler	Aust-Tyskland	54
7	Evi Kratzer	Sveits	54
8	Jaana Savolainen	Finland	44
9	Nina Koroljova	Sovjetunionen	42
10	Pirkko Määttä	Finland	42
11	Giudina Dal Sasso	Italia	37
12	Alžbeta Havrančíková	Tsjekkoslovakia	32
13	Carola Anding	Aust-Tyskland	31
14	Raisa Smetanina	Sovjetunionen	30
15	Anfisa Romanova	Sovjetunionen	27
16	Berit Aunli	Noreg	27
17	Eija Hyytiäinen	Finland	24
18	Karin Lamberg	Sverige	22
19	Vida Vencienė	Sovjetunionen	21
20	Svetlana Nagejkina	Sovjetunionen	17
21	Nina Skeime	Noreg	16
22	Marit Wold	Noreg	15
23	Solveig Pettersen	Noreg	13
24	Tamara Tikhonova	Sovjetunionen	13
25	Larisa Ptitsyna	Sovjetunionen	12
	Petra Simonkova	Tsjekkoslovakia	12

Kjelder

• Denne artikkelen bygger på «Skilanglauf-Weltcup 1985/86» frå Wikipedia på tysk, den 9. februar 2021.