Verdscupen i skiskyting 1982

Verdscupen i skiskyting 1982 tok til den 14. januar og vart avslutta 7. mars. Turneringa omfatta 10 individuelle tevlingar, inkludert VM-renna i Minsk. Utøvarane tevla i fem 20 km og like mange 10-kilometerar, òg kalla normalprogram og sprint. I tillegg vart det arrangert tre stafettar over 4 x 7,5 km. Renna fann stad i Egg am Etzel (2) i Sveits, Antholz (2) i Italia, Ruhpolding (2) i Vest-Tyskland, Minsk (2) i Sovjetunionen og Lahti (2) i Finland. Dei seks beste poeng-fangstane til deltakarane talde med i samandraget i verdscupen.

Frank Ullrich frå Aust-Tyskland vann fire av dei ti renna og sigra framom landsmannen Matthias Jacob, som gjekk til topps i to renn. Nordmannen Kjell Søbak vann 20-kilometeren i Lahti og enda på tredjeplass i samandraget.

Individuelt

Plass	Utøvar	Land	Poeng	Sigrar
1	Frank Ullrich	Aust-Tyskland	146	4
2	Matthias Jacob	Aust-Tyskland	143	2
3	Kjell Søbak	Noreg	137	1
4	Andreas Göthel	Aust-Tyskland	125	1
5	Fritz Fischer	Vest-Tyskland	123
6	Odd Lirhus	Noreg	110
7	Bernd Hellmich	Aust-Tyskland	110
8	Eirik Kvalfoss	Noreg	100	1
9	Vladimir Velitsjkov	Bulgaria	99
10	Svein Engen	Noreg	96	1
11	Matthias Jung	Aust-Tyskland	95
12	Terje Krokstad	Noreg	94
13	Peter Angerer	Vest-Tyskland	89
14	Luigi Weiss	Italia	87
15	Tapio Piipponen	Finland	82
16	Vladimir Tretjakov	Sovjetunionen	65
17	Andrej Vtorusjin	Sovjetunionen	65
18	Adriano Darioli	Italia	64
19	Johann Passler	Italia	61
20	Heikki Ikola	Finland	57
21	Christian Poirot	Frankrike	54
22	Sergej Bulygin	Sovjetunionen	50
23	Andreas Schweiger	Vest-Tyskland	50
24	Jurij Mitev	Bulgaria	48
25	Aleksandr Akulevitsj	Sovjetunionen	46

Kjelder

• Sportsboken 82-83. Sportsboken As/Hjemmets bokforlag As. 1982.