Verran kommune

Frå Wikipedia – det frie oppslagsverket
Gå til: navigering, søk
Verran kommune
Kommune
Kommunevåpen
Land Flag of Norway.svg Noreg
Fylke Nord-Trøndelag
Adm.senter Malm
Areal 602 km²
 - land 559 km²
 - vatn 43 km²
Folketal 2 527 (1. januar 2016)
Folketettleik 5 / km²
Målform Nøytral
Ordførar Anders Lindstrøm (Ap)
Kommunenummer 1724
NO 1724 Verran.svg
Wikimedia Commons: Verran

Verran er ein kommune i Nord-Trøndelag fylke som ligg langs fjordarmen Beistadfjorden inst i Trondheimsfjorden. Han grensar i nord mot Steinkjer og Namdalseid, i sør mot Inderøy, Leksvik og Rissa, og i vest mot Åfjord. Verran var opphavleg to kommunar, Malm og Verran, som vart slegne saman til éin kommune i 1964.

Kommunen er lang og smal. Total strandline er om lag 80 km. Det høgste fjellet i kommunen er Sandvassheia på 655 moh. Største tettstad er kommunesenteret Malm, der om lag 1 600 av av dei totalt 2 644 innbyggjarane bur. Andre tettstader er Follafoss, Verrastranda og Verrabotn.

Hovudnæringa i kommunen er industri, ein sektor der rundt halvparten av den yrkesaktive folkesetnaden er sysselsett. Andre store sektorar er handel- og servicenæringa, og jordbruksnæringa. Jernmalmgruvene i Malm vart drivne frå 1906 til 1997. Cellulosefabrikken Södra Cell Folla er den største arbeidsplassen i Follafoss.

I 2006 lova regjeringa tre millionar kroner til småsamfunnsprosjektet i Verran. Det var eit pilotprosjekt over fem år med ei ramme på seks millionar kroner, finansiert i felleskap av Kommunal- og regionaldepartementet, fylkeskommunen og kommunen. Målet var å stabilisere folketalet, setje fokus på trivsel og auke talet på robuste arbeidsplassar i kommunen.

Bakgrunnsstoff[endre | endre wikiteksten]