Vest-Telemark Blad

Frå Wikipedia – det frie oppslagsverket
Vest-Telemark Blad
TypeAvis
Org.nummer925545872
Grunnlagd1973
SpråkNorsk
HovudkvarterKviteseid
Nettstadhttp://www.vtb.no/ (nynorsk)

Vest-Telemark Blad er ei avis som vert gjeven ut i Kviteseid i Telemark. Ho kom ut fyrste gong i 1973, og dekker kommunane Seljord, Kviteseid, Nissedal, Fyresdal, Tokke og Vinje. Avisa blir skriven på nynorsk. Ho kjem ut tre dagar i veka; tysdag, torsdag og laurdag.

Ho er partipolitisk uavhengig, men blei på 1970-talet i enkelte miljø kalla «Vesle-Pravda». Redaktør Knut Espelid seier: «Ein viktig grunn til oppnamnet var nok at korkje folk flest eller lokalpolitikarane i regionen var vane med å ha ei kritisk presse så nær seg. Det som kom fram i avisene t.d. frå politisk behandling før VTB kom, var reint refererande – avisene hadde gjerne ein «referent» i kommunestyremøta.»[treng kjelde]

Vest-Telemark Blad fekk tidleg tilnamnet «Vest-Telemark Ark», av di avisa berre var eitt ark (Dvs. eitt trykkark, fire sider i fullformat.) Frå 9. november 1979 kom VTB i tabloidformat, og dermed fleire sider. Frå då forsvann namnet «Vest-Telemark Ark» sakte men sikkert. No produserer avisa i snitt 56 sider i veka. Tilnamnet «Veslebladet» heng likevel med.

Opplagstal[endre | endre wikiteksten]

Utvikling i nettoopplag.[1]

År Nettoopplag
2000 5 883
2001 5 156
2002 5 502
2003 5 519
2004 5 517
2005 5 425
2006 5 472
2007 5 493
2008 5 530
2009 5 660
2010 5 675
2014 5 521

Kjelder[endre | endre wikiteksten]

  1. Mediebedriftenes Landsforening Opplag- og lesartal. Nettoopplaget er eit mål for betalt opplag.

Bakgrunnsstoff[endre | endre wikiteksten]