Vestre militærdistrikt i Russland
Vestre militærdistrikt (russisk Западный военный округ) er eit militærdistrikt i Russland. Det set opp ein av fem operasjonelle-strategiske kommandoar for forsvaret i Russland. Militærdistriktet vart danna ved presidentdekret nummer 1144 underskrive 20. september 2010 med tidlegare Leningrad militærdistrikt som base.[1] Distriktet omfattar Austersjøflåten og støttar Nordflåten i den russiske marinen. Nordflåten vart i desember 2014 teken ut av Vestre militærdistrikt for å danna den operasjonell-strategiske kommandoen OSK Nord.
Vestre militærdistrikt vil setje opp OSK Vest i krig.[2]
Luftlandestyrkar som er forlagt innan Vestre militærdistrikt er ikkje kommandomessig underlagde militærdistriktet eller OSK-en, men kontrollert av forsvarsdepartementet direkte - som ein snøgg strategisk infanterireserve (manøverelement).
Dei strategiske rakettstyrkane har òg ein armé innafor militærdistriktet sine grenser, men heller ikkje her har OSK-en mynde - korkje i fred eller krig.
Hovudkvarteret er i den gamle generalstabsygningen i St. Petersburg på den nordlege enden av slottsplassen til Vinterpalasset.
I samband med utviklinga av situasjonen i Ukraina i løpet av 2016, er første stridsvognarmé sett opp på nytt i Vestre militærdistrikt.[3] Vidare er 144. motoriserte infanteridivisjon sat opp med hovudkvarter i Jelna, og 10. stridsvogndivisjon er ekspandert frå brigade med hovudkvarter i Bogutjar. Like så er tredje motoriserte infanteridivisjon sett opp med hovudkvarter i Valujki.[4][5][6][7]
Samansetjing
[endre | endre wikiteksten]
Militærdistriktet eller OSK-en har ei rekkje direkte underlagde einingar:
- 1. infanteriregiment forlagt til Moskva
- 154. vaktregiment (tilsvarande den norske HMK Garde) forlagt til garnisonen Lefortovo i Moskva
- 79. rakettkastarbrigade forlagt til Tver som strategisk artillerireserve
- 202. luftvern-missilbrigade forlagt til Naro-Fominsk
- 45. ingeniørbrigade forlagt til Nakhabino
- 90. spesial leite- og søkebataljon forlagt til Mgaelva
- 1. kommando- og kontrollbrigade i Sertolovo i Leningrad oblast
- 132. kommando- og kontrollbrigade i Agalatovo i Leningrad oblast
- 2. SPETSNAZ-brigade i Pskov
- 16. SPETSNAZ-brigade i Tambov
- 146. OSNAZ-brigade i Bugry i Leningrad oblast
- 82. OSNAZ-brigade i Vjazma i Smolensk oblast
OSK Vest vil ha desse landkomponentane på operasjonelt nivå:
- 1. stridsvognarmé med HK I Odintsovo i Moskva-området
- 20. kombinerte armé med HK i Voronezj
- 6. kombinerte armé med HK i Agalatovo
- 11. armékorps med HK i Kaliningrad oblast
Operativ gruppe med russiske styrkar i Transnistria med HK i Tiraspol.
Luftkomponent
Marinekomponentar
Liste over sjefar frå 2010
[endre | endre wikiteksten]- 2010: Generaloberst Valerij Gerasimov
- 2010–2012: Generaloberst Arkadij Bakhin
- 2012-10. november 2015: Generaloberst Anatolij Sidorov
- 10. november 2015-dags dato: Generaloberst Andrej Kartapolov
Kjelder
[endre | endre wikiteksten]- ↑ Указ Президента Российской Федерации от 20 сентября 2010 года №, arkivert frå originalen 31. mars 2012, henta 28. januar 2017
- ↑ Западный военный округ
- ↑ Для чего России нужна новая танковая армия
- ↑ Рядом с Витебском и Могилевом появится новая российская мотострелковая дивизия, arkivert frå originalen 16. august 2016, henta 28. januar 2017
- ↑ Кто слышит звук победной песни
- ↑ Армия России вышла на брянский рубеж
- ↑ Минобороны РФ заявило о формировании новой армии на юго-западном направлении
- Denne artikkelen bygger på «Vestre militærdistrikt» frå Wikipedia på bokmål, den 28. januar 2017.