Hopp til innhald

Victoria De Angelis

Frå Wikipedia – det frie oppslagsverket
Victoria De Angelis

Fødd28. april 2000 (26 år)
FødestadRoma
OpphavItalia
Aktiv2016–
Instrumentel-bass
Verka sombassist, komponist, DJ, musikar

Victoria De Angelis (fødd 28. april 2000), òg kjend berre som Victoria, er ein italiensk bassist, låtskrivar, produsent og DJ. Ho grunnla rockebandet Måneskin i 2016 i Roma saman med gitarist Thomas Raggi, vokalist Damiano David og trommeslagar Ethan Torchio. Saman vann dei San Remo-festivalen 2021 og deretter Eurovision Song Contest 2021 for Italia med songen «Zitti e buoni». I 2024 starta De Angelis solokarrieren sin med singelen «Get Up Bitch! Shake Ya Ass», eit samarbeid med den brasilianske songaren Anitta.

Bakgrunn

[endre | endre wikiteksten]

De Angelis vart fødd i Roma av ei dansk mor og ein italiensk far. Mora hennar døydde av kreft då ho var 15 år.[1] Ho har ei syster som er tre år yngre. Ifølgje henne sjølv representerte rockemusikk frå ung alder eit ønskje om fridom.[2] Ho hadde interesse og kjærleik for musikk frå barndommen av, byrja å spele gitar då ho var åtte år gammal, og gjekk over til bass i sjuande klasse.[3]

I eit intervju med Elle fortalde ho at ho leid av panikkanfall då ho var 14 år,[4] noko som gjorde at ho mista eitt skuleår.[2] De Angelis gjekk på ungdomsskulen Scuola Media Gianicolo, der ho møtte bandmedlem og gitarist Thomas Raggi, og fullførte seinare vidaregåande ved Liceo Scientifico J.F. Kennedy.[5] De Angelis har nemnt Nick O'Malley og Kim Gordon som inspirasjonskjelder.[6][7]

Karriere

[endre | endre wikiteksten]

De Angelis og Thomas Raggi møttest først på ungdomsskulen. Seinare fekk dei med seg Damiano David medan dei gjekk på vidaregåande i Roma. Ethan Torchio, som budde i nærliggande Frosinone, vart med etter at dei la ut ei annonse på Facebook for å finne ein trommeslagar og fullføre bandet.[8][9][10]

Sjølv om De Angelis og Raggi danna bandet alt i 2015, vart det ikkje offisielt før i 2016, då medlemmene måtte velje bandnamn fordi dei hadde bestemt seg for å melde seg på Pulse, ein lokal musikkonkurranse for nye band.[11] Under idémyldringa vart De Angelis, som er halvt dansk, beden om å kome med nokre danske ord, og dei vart samde om Måneskin.[12]

Seinare spelte dei som gatemusikantar i Colli Portuensi-distriktet i Roma, og i 2017 fekk dei gjennombrot då dei kom på andreplass i den ellevte sesongen av den italienske talentshowet X Factor. Bandet fekk eit stort gjennombrot med debutalbumet Il ballo della vita og turnéar i 2018 og 2019.[13] I 2021 kom det andre studioalbumet deira, Teatro d'ira: Vol. I.[14] Same året vann bandet Eurovision Song Contest.[15] Den 20. januar 2023 gav dei ut det tredje studioalbumet sitt, Rush!, gjennom Epic Records.

I 2023 gav Duran Duran ut ein coverversjon av Talking Heads-låten «Psycho Killer», der De Angelis medverka på bass og vokal.[16] I 2024, etter å ha avslutta sin første verdsturné med Måneskin, drog De Angelis på turné i Europa og USA som solo-DJ, der ho framførte ulike sjangrar innan energisk elektronisk musikk.[17] Debutsingelen hennar som soloartist, eit samarbeid med den brasilianske songaren Anitta med tittelen «Get Up Bitch! Shake Ya Ass», vart gjeven ut 30. august.[18]

Privatliv

[endre | endre wikiteksten]

De Angelis er lesbisk, etter tidlegare å ha identifisert seg som bifil, og har sagt at identiteten hennar er i utvikling. Ho er i eit forhold med modellen Luna Passos.[19][20][21]

Kjelder

[endre | endre wikiteksten]
  1. ↑ «A 15 anni mia nipote Victoria ha visto la mamma morire. Le aveva tenuto la mano per 3 mesi». Huffington Post (på italiensk). 6. desember 2021. Arkivert frå originalen 19. desember 2021. Henta 19. desember 2021.
  2. 1 2 Solari, Ilaria (13. mai 2021). «Victoria De Angelis senza filtri per Elle: "Che rabbia, le etichette"». Elle Magazine (på italiensk). Arkivert frå originalen 23. mai 2021. Henta 13. mai 2021.
  3. ↑ «Victoria 8 Yrs – SMOKE ON THE WATER». Youtube. 30. desember 2008. Arkivert frå originalen 8. november 2021. Henta 19. desember 2021.
  4. ↑ De Iaco, Serena. «Anche Victoria de Angelis ne soffre: cos'è la Fomo». www.pourfemme.it. Arkivert frå originalen 8. februar 2024. Henta 2. februar 2022.
  5. ↑ Lupia, Valentina (23. mai 2021). «Eurovision, Maneskin, la preside di "Zitti e buoni": "Damiano e quel carattere così arrabbiato ma mai coatto"». La Repubblica. Arkivert frå originalen 19. desember 2021. Henta 19. desember 2021.
  6. ↑ Lowe, Zane. «The Måneskin Interview». Apple Music. Arkivert frå originalen 19. desember 2021. Henta 19. desember 2021.
  7. ↑ «Victoria De Angelis dei Maneskin: "Quella che ha ispirato il mio immaginario è Kim Gordon dei Sonic Youth"». Sentireascoltare. Arkivert frå originalen 19. desember 2021. Henta 19. desember 2021.
  8. ↑ Sonia Montrella (24 November 2017). «Tutto quello che c'è da sapere sui Maneskin». Agenzia Giornalistica Italia (på italiensk). Arkivert frå originalen 27. juni 2021. Henta 16. juni 2021.
  9. ↑ Mastrantonio, Luca (29. mars 2018). «Perché i Måneskin fanno ballare anche le mamme delle fan». Corriere della Sera (på italiensk). Arkivert frå originalen 27. juni 2021. Henta 16. juni 2021.
  10. ↑ Povoledo, Elisabetta (16. juni 2021). «They Won Eurovision. Can They Conquer the World?». The New York Times. Arkivert frå originalen 16. juni 2021. Henta 16 June 2021.
  11. ↑ Alessandra Paolini (26. november 2017). «Ciclone Maneskin, il rock è coatto: Semo de Roma». La Repubblica (på italiensk). Arkivert frå originalen 16. desember 2019. Henta 2. november 2018.
  12. ↑ «Si dice Maneskin, non Moleskine!: origine e significato del nome della band» (på italiensk). Sky Italia. 12 December 2017. Arkivert frå originalen 10. januar 2019. Henta 2. november 2018.
  13. ↑ Laffranchi, Andrea (24. mai 2021). «Damiano dei Maneskin, la sua storia: dalla strada all'Eurovision, "Con le monetine raccolte il primo singolo"». Corriere. Arkivert frå originalen 25. mai 2021. Henta 19 December 2021.
  14. ↑ Mastrantonio, Luca (11 February 2021). «Måneskin, trionfo a Eurovision: "La rabbia dei ventenni è di nuovo forza creativa"». Corriere della Sera (på italiensk). Arkivert frå originalen 4. mars 2021. Henta 2. juni 2021.
  15. ↑ «Eurovision 2021 winners Måneskin: 'Our lives have completely changed' | Måneskin | The Guardian». amp.theguardian.com. 14. mai 2022. Henta 29. juli 2024.
  16. ↑ Paul, Larisha (24. oktober 2023). «Duran Duran Amps Up Talking Heads 'Psycho Killer' Cover». Rolling Stone (på engelsk). Arkivert frå originalen 28. oktober 2023. Henta 28. oktober 2023.
  17. ↑ «The solo project by Victoria de Angelis (Måneskin) that has excited Rosalía: "let's go Vic"» (på engelsk). 28. februar 2024. Henta 28. februar 2024.
  18. ↑ Kelly, Tyler Damara (30. august 2024). «Måneskin bassist Victoria De Angelis links up with Anitta on solo single, "Get Up Bitch!"». The Line of Best Fit. Henta 30. august 2024.
  19. ↑ «‘We’ve always been very divisive’: Måneskin on fighting fascists and breakfast with Chris Martin». The Guardian. 21. januar 2023.
  20. ↑ «Måneskin: "When you get famous, people just want to know who you’re f**king"». Gay Times. 20. januar 2023.
  21. ↑ «'We're about freedom': Måneskin rock against homophobia, misogyny and war». 6. mai 2023.

Bakgrunnsstoff

[endre | endre wikiteksten]
Henta frå «https://nn.wikipedia.org/w/index.php?title=Victoria_De_Angelis&oldid=3645928»