Viktor Tsjernomyrdin
| Viktor Tsjernomyrdin | |||
 | |||
| Fødd | 9. april 1938 Tsjornyj Otrog | ||
|---|---|---|---|
| Død | 3. november 2010 (72 år) | ||
| Statsborgar av | Russland, Sovjetunionen | ||
| Parti | Sovjetunionens kommunistiske parti (1961; 1991), partilaus (1991; 1995), Sameint Russland (2001; 2010) | ||
| Religion | Den russisk-ortodokse kyrkja | ||
| Yrke | politikar, diplomat, samfunnsøkonom, forretningsdrivande | ||
| Utdanna ved | Samara State Technical University Moscow State Open University | ||
| Ektefelle | Valentina Fedorovna Chernomyrdina | ||
| Medlem | Sentralkomiteen i det sovjetiske kommunistpartiet Europarådets parlamentarikerforsamling tredje statsduma | ||
| Alle verv |
| ||
Viktor Stepanovitsj Tsjernomyrdin (9. april 1938–3. november 2010) var ein russisk politikar frå landsbyen Tsjorny Otrog i Orenburg oblast. Han var statsminister i Russland frå 1992 til 1998.
Tsjernomyrdin var sentral då energiselskapet Gazprom vart danna i 1989, og han var den fyrste styreformannen i selskapet til 1992. I 1992 vart han utnemnd til statsminister i Russland av den russiske presidenten, Boris Jeltsin. Dei neste seks åra var Tsjernomyrdin den fyrste og, hittil, lengstvarige statsministeren i landet. Gjennom 1990-åra var han ein sentral aktør i russisk politikk, særleg som ein aktiv utøvar kva gjaldt omskipinga frå planøkonomi til marknadsøkonomi.
Frå 2001 til 2009 var han Russlands ambassadør i Ukraina. Han er gravlagd på Novodevitsjijgravstaden i Moskva.
Ei utsegn Tsjernomyrdin kom med i 1993; «Vi meinte det beste, men det enda som alltid», har i russisk kultur vorte eit ståande uttrykk, ein slags aforisme. Utsegna skal elles visstnok opphavleg ha vorte forma av satirikaren Mikhail Saltykov-Sjtsjedrin på 1800-talet.
Kjelder
[endre | endre wikiteksten]- Denne artikkelen bygger på «Viktor Chernomyrdin» frå Wikipedia på engelsk, den 14. desember 2016.