Vilhelmine Ullmann
| Vilhelmine Ullmann | |
.jpg) | |
| Statsborgarskap | Noreg |
| Fødd | 16. mars 1816 Oslo |
| Død | |
| Yrke | skribent, litteraturkritikar, lærar |
| Språk | norsk |
| Medlem av | Norsk Kvinnesaksforening |
| Mor | Conradine Dunker |
| Vilhelmine Ullmann på Commons | |
Kathrine Johanne Fredrikke Vilhelmine Ullmann (fødd Dunker, 16. mars 1816–28. april 1915) var ein norsk lærar, forfattar og kvinnesaksforkjempar.
Liv og virke
[endre | endre wikiteksten]Ullmann var dotter til forfattaren Conradine Dunker, og kusine av Aasta Hansteen. Ho voks opp i Christiania, og budde der fram til ho 15 år gammal flytta med foreldra til Trondhjem i 1831. I boka Fra Tyveaarene og lidt mere fortalde ho om korleis familien hennar ivrig deltok i amatørteateroppsetjingar i Det Dramatiske Selskab i hovudstaden då ho var barn.[1]
Ho var gift 1839-54 med danskfødde Jürgen Nicolai Axel Ullmann (1813-1863). Dei fekk fem barn:
- Axel Conradin Ullmann (1840-1923), som blei lærar og entomolog.
- Ebba Ullmann (1843-1908), som blei gift med presten Fredrik Christian Dons (1836-1885) og mor til Henrik Dons (1866-1944), høgsterettsadvokat Vilhelm Dunker Dons (1868-1908), Ragna Vilhelmine Thiis (1870-1939), forfattaren Margrethe Kjær (1872-1956) og Kathrine Elisabeth Dons (1876-1947). Ragna Vilhelmine Thiis blei mor til blant anna kunsthistorikaren Ragna Stang.
- Ragna Nielsen (1845-1924), som var lærarinne og kvinnesaksforkjempar.
- Johan Christian Viggo Ullmann (21. desember 1848-10. august 1910), som blei ein kjend lærar og venstre-politikar. Han blei gift med Vilhelmine Eriksen (16. januar 1853-4. februar 1918) og far til Vilhelm Ullmann (1886-1972) og Ragnar Ullmann.
- Vilhelm Ullmann (1850-1868).
Etter skilsmissa i 1854 dreiv ho ein jenteskole, etterfølgd av ein periode som styrar av Vaterland Børneasyl frå 1862. Ho var medstiftar av Norsk Kvinnesaksforening i 1884.[2]
Ho skreiv under pseudonymet Minna Dunker i kvinnesaksbladet Nylænde, og gav ut memoara til mora i 1871. Hennar eigen biografi, Fra Tyveaarene og lidt mere, kom ut på Det Norske Aktieforlag i 1903.
Livet til Vilhelmine Ullmann er skildra i Astrid Lorenz si bok Forstandens lys og hjertets varme. Kvinnesilhuetter i slektsramme. Conradine Dunker og Vilhelmine Ullmann frå 1996.
Bibliografi
[endre | endre wikiteksten]- 1903 – Fra Tyveaarene og lidt mere (Aktieforlaget) I fulltekst ved nb.no [med forord av Otto Anderssen]
Kjelder
[endre | endre wikiteksten]- Denne artikkelen bygger på «Vilhelmine Ullman» frå Wikipedia på bokmål, den 30. mars 2026.