Waihi Beach

Frå Wikipedia – det frie oppslagsverket
Hopp til navigering Hopp til søk
Waihi Beach
busetnad
Waihi Beach.jpg
Land Flag of New Zealand.svg New Zealand
Region Waikato

Waihi Beach
37°24′18″ S 175°56′28″ E
Waihi Beach.

Waihi Beach er ein kystbusetnad heilt vest i havbukta Bay of PlentyNordøyaNew Zealand. Han ligg ti km aust for byen Waihi, ved foten av Coromandelhalvøya. Ved folketeljinga i 2006 var folketalet 1 773.[1]

Maoriar har vore busette i området frå før-europeisk tid, og ein kan enno sjå ei rekkje pa innanfor nokre få km frå Waihi Beach. Europeisk busetnad tok for alvor til då det vart funne gull i området i 1870, men det var vanskeleg å koma til årene, og den einaste drivverdige gruva i området i mange år var den store Martha's Mine ved Waihi.

Waihi Beach og den nærliggjande vesle busetnaden Bowentown ved vestenden til hamna i Tauranga er populære feriestadar. Her ligg ei av dei sikraste havstrendene i landet, ei åtte km lang sandstrand.[2] Til saman ligg folketalet kring 1900. Bowentown har sin eigen BMX-bane som er open for alle, like ved ein populær fritidspark.

Referansar[endre | endre wikiteksten]

  1. Statistics New Zealand
  2. L. Harper; T. Mudd; P. Whitfield; D. Hall (September 2006). The Rough Guide to New Zealand (5. utg.). New York, London, Delhi: Rough Guides. s. 424. ISBN 1-84353-679-X. 

Koordinatar: 37°24′S 175°56′E

Spire Denne geografiartikkelen som har med New Zealand å gjere er ei spire. Du kan hjelpe Nynorsk Wikipedia gjennom å utvide han.