Waitomo District
| Waitomo District | |||
| distrikt | |||
 | |||
| Land |  New Zealand
| ||
|---|---|---|---|
 Waitomo District | |||
| Wikimedia Commons: Waitomo District | |||
Waitomo er eit distrikt som ligg nord i King Country, i regionen Waikato på Nordøya på New Zealand. Ein liten del av distriktet, byen Tiroa, ligg i regionen Manawatu-Wanganui.
Distriktet er landleg og for ein stor del eit mjølkeproduserande område. Setet til distriktsstyret, Waitomo District Council, ligg i Te Kuiti, som har eit folketal på 4419. Ingen andre busetnader i distriktet har eit folketal over 500. Folketalet i heile distriktet var ved folketeljinga i 2006 9441[1], av desse var 39% māoriar. Flatevidda til distriktet er 3546,76 km², av dette ligg 94,87 prosent i regionen Waikato og 5,13 prosent i regionen Manawatu-Wanganui. Waitomo District vart oppretta i 1976.
Dei viktigaste næringsvegane i distriktet er saueavl, skogdrift og kalksteinsbrot.
Området er kjent for dei populære karstgrottene Waitomo Caves, tolv km nordvest for Te Kuiti. Det finst talrike andre grotter i kalksteinsklippene i Waitomodistriktet.
Vêrlag[endre | endre wikiteksten]
Gjennomsnittstemperaturen om sommaren er 18,5°C, om vinteren 9,5 °C, og årsnedbøren er 1473 mm. Det førekjem frost i gjennomsnitt 47 dagar i året, og det årlege talet på solskinstimar er 1749[2]
Referansar[endre | endre wikiteksten]
- ↑ Statistics New Zealand - Folketeljinga i 2006[daud lenkje]
- ↑ Frå heimesidene til distriktsstyret., arkivert frå originalen 2010-05-13, henta 23. februar 2009
- Delar av denne artikkelen bygger på «Waitomo District» frå Wikipedia på engelsk, den 23. februar 2009.
Bakgrunnsstoff[endre | endre wikiteksten]
- Heimesida til distriktsstyret
- Destination Waitomo - Turistinformasjon Arkivert 2007-09-29 ved Wayback Machine.
