Whalsay

Whalsay
Vegen mellom Symbister og Isbister. Foto: Colin Park
Geografi
Whalsay ()
Stad	Nordsjøen
Koordinatar	60°20′N 0°59′W
Øygruppe	Shetlandsøyane
Areal	19,7 km²
Høgaste punkt	Ward of Clett (119 moh.)
Administrasjon
Land	Skottland
Region	Shetlandsøyane
Største busetnad	Symbister
Demografi
Folketal	1034 (2001)
Folketettleik	52,5 /km²

Whalsay (av norrønt Hvalsey, 'Kvaløy') er ei øy i Shetlandsøyane i Skottland. Øya ligg austom Shetland Mainland og hadde i 2001 vel 1030 innbyggjarar. Øya er frodig og relativt tett busett. Dei viktigaste næringsvegane er fiskeria og jordbruket (crofting).

Viktigaste landsbyen er Symbister sør på øya. Der har fiskeflåten heimehamn. Ferjene til og frå Mainland går mellom Symbister og Laxo og Vidlin. Til vanleg er det to ferjer som går i trafikk mellom Symbister og Laxo. Ferjene går kvart 45. minutt, og overfarten tek om lag 30 minutt. Når vêret er for hardt og sjøen for grov går ferjene til Vidlin i staden for til Laxo. Denne turen tek i godt vêr om lag 45 minutt, men i dårleg vêr kan det ta mykje lenger tid.

Øya har òg ei flystripe, ho ligg ved Skaw nord på øya.

Andre landsbyar er Clate, Isbister, Sandwick, Saltness, Challister og North Park.

Ved Skaw ligg Skaw Taing som er ein 18-hols golfbane, den nordlegaste i Storbritannia.

Whalsay er òg kjend som «bonny isle».

Utviklinga av folketalet på Whalsay

År	Folketal
1841	628
1861	728
1871	854
1881	870
1931	900
1961	764
1971	870
1981	1025
1991	1041
2001	1034

Kjelder

• Denne artikkelen bygger på «Whalsay» frå Wikipedia på engelsk, den 29. mai 2007.

Bakgrunnsstoff

Nettstader

• «Whalsay» frå Gazetteer for Scotland
• scottishislands.org.uk Arkivert 2010-06-18 ved Wayback Machine.
• Shetland in Statistics 2006 frå shetland.gov.uk Arkivert 2020-10-01 ved Wayback Machine.
• Lydprøvar på Whalsaydialekten