Wikipedia-diskusjon:Pressemeldingar/100 000 artiklar

Forslag til pressemelding:

PRESSEMELDING FRÅ NYNORSK WIKIPEDIA
Tirsdag 9. april 2013

Nynorsk Wikipedia rundar 100 000 artiklar

Nynorsk Wikipedia passerte i dag 100 000 artiklar med artikkelen «ByeAlex».

Styreleiar i Wikimedia Noreg, Jon Harald Søby

Kunnskapsminister Kristin Halvorsen (SV) uttalar: «Når nynorsk Wikipedia no rundar 100 000 artiklar viser det vitaliteten i det nynorske språket og at dugnaden enno står sterkt i Noreg. Vi stiller oss i rekka av gratulantar.»

Styreleiar i Wikimedia Noreg, Jon Harald Søby, gratulere bidragsytarane til Wikipedia på nynorsk med å runde 100 000 artiklar. Han skriv at dette er ein milestein ikkje berre for Wikipedia i Noreg, men òg for utbreiinga og bruken av nynorsk på verdsveven i det heile.

Håvard B. Øvregård, leiar i Noregs Mållag skriv: «Oppslagsverk er språket sine grunnmurar. Tilgjengeleg kunnskap på eige språk er avgjerande for å halde på språket. Nynorsk Wikipedia gjer det lettare å vere nynorskbrukar. På vegner av unge og eldre, elevar og nyfikne, skrivande og søkjande:

Hundre tusen takk!»

Nynorsk Wikipedia er den største nynorske tekstprodusenten på nett, og den 45. største Wikipedia-utgåva blant alle språka leksikonet blir laga på. Kvar månad er det meir enn 8 millionar oppslag mot Nynorsk Wikipedia, og det er verdt å merke seg at det er meir enn dobbelt så mange oppslag mot Nynorsk Wikipedia enn mot Islandsk .

Sidan skipinga i juli 2004, har Nynorsk Wikipedia vakse seg til ein velbrukt nynorsk nettstad som driv allmennopplysing. Oppslagsverket er dermed i ferd med å oppfylla Soria Moria-lovnaden frå 2005 om eit nynorsk nettleksikon, berre takk vere frivillige bidrag og gåver. -- Når nynorsk Wikipedia no rundar 100 000 artiklar viser det vitaliteten i det nynorske språket og at dugnaden enno står sterkt i Noreg. Vi stiller oss i rekka av gratulantar, seier kunnskapsminister Kristin Halvorsen

Etter at nynorskrettskrivinga av 2012 tredde i kraft, har Nynorsk Wikipedia oppdatert dei eldre artiklane til den gjeldande rettskrivinga. Nettleksikonet vil på denne måten vera eit nyttig verktøy også for å læra seg den nye rettskrivinga. Nynorsk Wikipedia markerer dessutan språkåret med å lenkje til eit nytt språk på framsida kvar dag i 2013.

Nynorsk Wikipedia har for det meste god kvalitet, og det er ei rekkje akademikarar, ingeniørar og andre fagpersonar som skriv artiklar. Nynorsk Wikipedia er truleg det beste verket om meteorologi og jordbruksmaskiner på norsk. Det er likevel mykje som gjenstår før Nynorsk Wikipedia kan nå opp til dei krava lesarane set. Til dømes bør helsefagleg personell kvalitetssikre artiklar på nettleksikonet sidan nokre av dei mest lesne artiklane er relatert til anatomi og sjukdomar.

Wikimedia Noreg er ein organisasjon som støttar Wikipedia-arbeid i Noreg. I desse dagar er dei i ferd med å tilsetje to medarbeidarar, med støtte frå Wikimedia Fundation i USA. Dette vil på sikt gjere organisasjonen i stand til å utføre prosjekt for å betre kvaliteten på nettleksikonet.

Nynorsk Wikipedia vurderer også å be om løyvingar frå styresmaktene i Noreg for å gjennomføre slike prosjekt.

Fotnotar

Kommentarar til kladd

Ei god byrjing! Eg likar fyrste avsnitt, statistikken og samanlikninga mellom nynorsk og islandsk.
Tredje avsnitt: Eg erstatta her "på denne måten" med "dermed". Denne setninga var riktignok mitt eige forslag, hehe.
Fjerde avsnitt: Den siste setninga i avsnittet, "til dømes er nokre..." kan med fordel betrast.
Kanskje trengs ei litt meir slagkraftig avslutning? Eit Hadia Tajik-sitat, kanskje? HallvardLid (diskusjon) 29. mars 2013 kl. 11:19 (CET)

Korrekt navn på organisasjonen er Wikimedia Norge og ikke Norsk Wikimedia som det står nå. Mvh - Ulflarsen (diskusjon) 29. mars 2013 kl. 20:23 (CET)

Eg har endra etter kommentarane over. Dette må pussast vidare på. Ofte har Rannveig, og kanskje Olve noko gull å strø over slik tekst. Eg er samd i at eit Tajik-sitat må til for at vi skal få inn omtale i viktige presseorgan. Når vi har pussa litt til på teksten, skal eg sende henne han og be fint om ein kommentar vi kan sitere.

~~ Hogne (diskusjon) 29. mars 2013 kl. 20:55 (CET)

Eg liker ikkje samanlikninga mot islandsk. Det er eit lite land og språk. Er det ikkje andre og litt større europeiske språk vi kan samanlikne med? Eg liker heller ikkje "Det er likevel mykje som gjenstår før Nynorsk Wikipedia kan nå opp til dei krava lesarane set. Til dømes bør helsefagleg personell kvalitetssikre artiklar på nettleksikonet sidan nokre av dei mest lesne artiklane er relatert til anatomi og sjukdomar." Kan vi heller skrive: "Nynorsk Wikipedia kan likevel bli betre på fleire felt. Til dømes burde dei helsefaglege artiklane vore kvalitetssikra i enno større grad." stykkjet (diskusjon) 4. april 2013 kl. 12:52 (CEST)

Eg syns vi kan samanlikne oss med Islandsk, det er eit land og språk som er sjølvbeviste. Dei lagar filmar og fjernsynsseriar som blir vist i Noreg. Dei er også langt framme på teknologi. Vi kunne ha samanlikna oss med større språk som Urdu eller Swahili, men her er teknologien kome langt kortare.

Eg likar di setning betre enn mi, men eg har lyst å ha med at dette er artiklar som blir lest, kva med: "Nynorsk Wikipedia kan likevel bli betre på fleire felt. Til dømes burde dei helsefaglege artiklane vore kvalitetssikra i enno større grad. Artiklar innan anatomi og helse er mellom dei mest lesne ."

~~ Hogne (diskusjon) 4. april 2013 kl. 13:44 (CEST)

Eg har vore i kontakt med kunnskapsdepartementet, og kunnskapsministeren vil gjerne seie: "-- Når nynorsk Wikipedia no rundar 100 000 artiklar viser det vitaliteten i det nynorske språket og at dugnaden enno står sterkt i Noreg. Vi stiller oss i rekka av gratulantar." — Dette usignerte innlegget vart skrive av Stykkjet (diskusjon · bidrag)