Wikipedia:Utvald artikkel/Veke 52, 2016

Frå Wikipedia – det frie oppslagsverket
Hopp til navigering Hopp til søk
Kommunevåpenet til Nord-Aurdal kommune i Oppland. Motiv: «På gull grunn tre blå fembladingar, 2-1»

Kommunevåpena i Noreg er heraldiske våpenmerke som blir brukte av kommunar og fylkeskommunar som kjenneteikn og symbol. Dei fleste norske kommunevåpena har enkel form og fasong utan noko tillegg utanfor skjoldet.

Frå 1930-talet vart det innført strenge krav om at dei norske kommunevåpena skulle ha ei enkel utforming, etter initiativ frå fagfolk i Riksarkivet. Nye kommunevåpen skal vera ulike fra andre våpen som dei elles lett kunna forvekslast med. Fastsettinga i kongeleg resolusjon blir gjort i form av ei kort skildring, til dømes «På gull botn ei oppveksande svart bondestridsøks» om våpenet til Telemark fylkeskommune i 1970. Ved fastsettinga følgjer det med ei godkjend teikning av våpenet i skjold og flagg som døme på riktig, heraldisk avbilding.

Etter utanlandsk skikk bruker mange av dei større byane i Noreg ei krone som er danna av ein mur på toppen av skjoldet, men murkrona inngår ikkje i dei norske fastsettingane i kongeleg resolusjon. Nokre få kommunar bruker eldre variantar av bysegl eller liknande som kommunevåpen. Les meir …