Wilhelm Magelssen

Wilhelm Magelssen
Fødd	12. januar 1867 Søndre Land
Død	14. oktober 1930 (63 år)
Yrke	politikar, prest
Wilhelm Magelssen på Commons

Wilhelm Christian Magelssen (12. januar 1867–14. oktober 1930) var ein norsk prest og politikar for partiet Høgre, fødd i Søndre Land.

Prestesonen Magelssen tok examen artium i 1887, og vart i 1893 sjølv cand.theol. frå Universitetet i Kristiania. Deretter var han hovudlærar 1893-94 på Diakonhjemmet i Vestre Aker herad. Perioden 1895-1901 var han styrar ved den private mellomskulen i Fredriksvern. Sidan var han sokneprest i Dverberg frå 1905, i Sortland frå 1911 og i Vågan frå 1915. Deretter var han domprost 1920-25 i Tromsø og 1925-26 i Stavanger. Både i Fredriksvern, Langesund og Dverberg var han medlem i heradsstyret.

Den 5. mars 1926 vart Magelssen utnemnd til kyrkje- og undervisningsminister i den nyskipa Lykke-regjeringa, ein posisjon han hadde til 24. desember 1927. Til sist var Magelssen sokneprest i Vestre Aker kyrkje frå 1928 til han døydde etter berre to år i tenesta.

Kjelder

• Denne artikkelen bygger på «Wilhelm Magelssen» frå Wikipedia på bokmål, den 22. mars 2017.