Wipo av Burgund
| Wipo av Burgund | |
| Statsborgarskap | Tyskland |
| Fødd | 995, 1000 |
| Død |
1048, 1046 |
| Yrke | skribent, historikar, prest, biograf |
| Religion | Den katolske kyrkja |
Wipo av Burgund (også Wippo, av Wigbert; fødd ca. 995, død ca. 1048)[1] var ein fransk prest, forfattar og salmediktar. Han var hoffkapellan hjå keisar Konrad II av det tysk-romerske riket,[2] og skreiv biografien hans, Gesta Chuonradi II imperatoris.
Liv og virke
[endre | endre wikiteksten]Wipo presenterte biografien sin til Konrad sin son, Henrik III, i 1046, ikkje lenge etter at Henrik var krona. I verket ser Wipo subjektet sitt klart, og sjølv om det er skrive med kjærleik er det ikkje berre ei lovprising, men får også fram feila og manglane til Konrad Han får derimot ikkje fram dei heilskaplege forholda i samtida, særleg ikkje forholdet keisaren har til dei herskande prinsane og til kyrkja. Skrivestilen er enkel og flytande med eit godt språk.[3]
Andre av dei viktige verkane hans er Proverbia (1027 eller 1028) og Tetralogus Heinrici, som er skrive heksameter på rim. Han skreiv ei hyllest av keisar Henrik i 1041, og ein gripande klagesong på latin då Konrad døydde. Det er også gått ut frå at han skreiv den liturgiske påskesekvensen Victimae paschali laudes, sjølv om tilskrivinga til Wipo ikkje er sikker).[4] Dette var ein av fem liturgiske sekvensar som ikkje blei strokne då den katolske kyrkja hadde ein revisjon av dei liturgiske bøkene sine i 1570.
Wipo er representert med ein salme i Norsk salmebok og Norsk salmebok 2013.
Kjelder
[endre | endre wikiteksten]- ↑ «Wipo of Burgundy», BRILL Online
- ↑ Imperial Lives and Letters of the Eleventh Century, overs. Theodor Ernst Mommsen, Karl F. Morrison, red. Robert L. Benson, (Columbia University Press, 2000), s. 42.
- ↑ Imperial Lives and Letters of the Eleventh Century, overs. Theodor Ernst Mommsen, Karl F. Morrison, red. Robert L. Benson, (Columbia University Press, 2000), s. 42.
- ↑ Crocker, Richard L. (2006): «Wipo (Wigbert)», Grove Music Online
- Denne artikkelen bygger på «Wipo av Burgund» frå Wikipedia på bokmål, den 7. mai 2025.
- Wikipedia på bokmål oppgav desse kjeldene:
- Verk av Wipo
- Breslau: Wiponis Gesta Chuonradi II ceteraque quae supersunt opera (Hanover, 1878; tysk oversettelse av Pfluger, Berlin, 1877; Wattenbach, Leipzig, 1892).
- Referanselitteratur
- Aasmundtveit, Anne Kristin (1995): Biografisk leksikon til Norsk Salmebok og Norsk Koralbok, Verbum forlag, Oslo, ISBN 82-543-0573-0. Side 14.
- Fornaçon, S. (1963): «Wipo. Fortan Wigbert von Solothurn» i: MGD 17, s. 8–12.