Wolviston
|
Wolviston | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | County Durham | |
| Distrikt | Stockton-on-Tees | |
| Geografi | ||
| Koordinatar | 54°37′0″N 1°17′0″W / 54.61667°N 1.28333°W | |
| Diverse annan informasjon | ||
Wolviston er ein landsby og eit civil parish (sivilt sokn) nord i England. Han ligg i Stockton-on-Tees borough i County Durham. Folketalet i distriktet ved folketeljinga i 2011 var 877.[1] Wolviston ligg nord for Billingham.
Namnet stammar frå angelsaksisk tid. Ifølgje Victor Watts stammar det frå Wulfestun, eller Wulf sitt land, og var dermed namn på ein tidleg landeigar.[2] Andre lokalhistorikarar har merka seg at det fanst ein lokal stormann som heitte Wolvis i angelsaksisk tid som budde i nærleiken, og meiner han kan ha vore opphav til namnet.
Wolviston ligg nær Wynyard Hall, som historisk var familiesetet Londonderry-dynastiet. Denne familien åtte fleire gruver og ei hamn i County Durham. Den noverande Wynyard Hall blei bygd i 1848, og hadde fleire kongelege besøk dei neste hundre åra.
Lansbyen har to pubar, Wellington Inn og The Ship. Landsbyen har også ein tradisjonell village green og ein andedam. Den lokale kyrkja er vigd sankt Peter. Krigsminnesmerket i landsbyen minnar drepne frå Wolviston i begge verdskrigane.
Wolviston har godt vegsamband til Stockton-on-Tees, Middlesbrough og resten av Nordaust-England. Opphavleg gjekk hovudvegen A19 gjennom landsbyen, men på 1970-talet blei det bygd ei omkøyring i aust og på 1980-talet ei ny omkøyring i vest etter at den opphavlege omkøyringa blei plaga av mykje kø. Også A689 pleide gå gjennom landsbyen, men blei erstatta av ei omkøyring i nord på 1970-talet.
Kjelder[endre | endre wikiteksten]
- ↑ «Civil Parish population 2011». Arkivert frå originalen 29. mars 2017. Henta 2. februar 2016.
- ↑ Watts, Victor. A Dictionary of County Durham Place-Names. English Place-Name Society, Nottingham, 2002. ISBN 0-904889-65-3
- Denne artikkelen bygger på «Wolviston» frå Wikipedia på engelsk, den 26. april 2019.