Yalong

Frå Wikipedia – det frie oppslagsverket
Hopp til navigering Hopp til søk
Yalong sitt løp og nedbørsfelt i provinsane Sichuan og Qinghai.

Yalong (kinesisk 雅砻江; pinyin: Yǎlóng jiāng) er ei 1 323 km lang elv i Folkerepublikken Kina. Ho renn ut i elva Jinsha Jiang, ei elv som lenger nedstraums får namnet Chang Jiang i provinsen Sichuan, langs grensa til naboprovinsen Yunnan i sørvest. Kjelda til Yalong er i sørvestre Qinghai, på det store Tibetplatået.

Fleire store vasskraftverk er bygt i elva. Desse hjelper også til ved oppdemming for å kontrollere flaumar. De største demningane i Yalong er/vert Jinping-demningane 1 og 2 (høvesvis 4 800 MW og (3 600 MW), Ertandemninga (3 300 MW), Guandidemninga (2 400 MW), og Tongzilin-demninga (600 MW, innan 2015). I alt vil 12 demningar ha ein samla kapasitet på 22 800 MW, litt meir enn totalytinga frå Tre kløfter-demninga i hovudelva Chiang Jiang med sine 22 300 MW.