Yangjiang
Yangjiang (kinesisk: 阳江; pinyin: Yángjiāng) er eit byprefektur sørvest i provinsen Guangdong ved Kinas kyst mot Sørkinahavet. Prefekturet har eit areal 7 813 km² og eit folketal på ca 2,63 millionar (2004). Byprefekturet Yangjiang består av eitt distrikt (区 qū), eitt byfylke (市 shì) og to fylke (县 xiàn).
Næring
[endre | endre wikiteksten]Yangjiang er særleg kjent for sin knivproduksjon, seksti prosent av alle knivar vert laga i Yangjiang og åtti prosent av eksporten. Økonomien elles er basert på produksjon av lakk, dyrking av soyabønner og av fiskeri. Produksjonen av drakar er ein tradisjon i prefekturet som går tilbake til 600-talet.
Yangjiang kjernekraftverk har sidan desember 2008 vore under byggjing i Dongping i Yangdong fylke i byprefekturet. Kjernekraftverkprosjektet, det største i Kina med ein planlagd effekt på 2000 MW, skal etter planen stå ferdig i august 2013.
Samferdsle
[endre | endre wikiteksten]Kinas riksveg 325 går gjennom området. Han fører vestover frå Guangzhou i Guangdong til Nanning i den autonome regionen Guangxi.
Kjelder
[endre | endre wikiteksten]- Denne artikkelen bygger på «Yangjiang» frå Wikipedia på bokmål, den 8. april 2012.
- Denne artikkelen bygger på «Yangjiang» frå Wikipedia på engelsk, den 8. april 2012.