Yasuf
| Yasuf | |||
| ياسوف, Yassuf, Yasouf | |||
| kommune | |||
 | |||
| Land |  Dei palestinske territoria
| ||
|---|---|---|---|
| Guvernement | Salfit guvernement | ||
| Koordinatar | 32°06′23″N 35°14′08″E / 32.10639°N 35.23556°E | ||
| Areal | 8,6 km² | ||
| Folketal | 1 621 (2007) | ||
| Folketettleik | 188 / km² | ||
 Yasuf 32°06′23″N 35°14′08″E / 32.106388888889°N 35.235555555556°E | |||
  | |||
| Wikimedia Commons: Yasuf | |||
Yasuf (arabisk ياسوف) er ein palestinsk by som ligg i Salfit guvernement nord på Vestbreidda, 7 km nordaust for Salfit, 37 km sørvest for Nablus og like ved den israelske busetjinga Kfar Tapuach. I følgje Palestinsk statistisk sentralbyrå hadde han eit folketal på 1 621 i 2007.[1] Kring 87 % av folkesetnaden livnærer seg av jordbruk, medan resten arbeider i offentleg sektor.[2]
Arkeologi[endre | endre wikiteksten]
Nordaust og sørvest for landsbyen ligg ein stor gravplass, med graver hogde inn i berget. Ein har òg funne bysantinsk keramikk her.[3]
Historie[endre | endre wikiteksten]
I romersk tid i Palestina (ca. 63 fvt.-330 evt), vart landsbyen kalla Yaashuv og var nemnt i Samaria Ostraca,[4] og var ein av tre viktige marknader for frukt, korn og grønsaker nord i Judeafjella, sør i Samaria, og regionen Lod.[5]
I krossfarartida skreiv Diya' al-Din (1173–1245) at det låg ein landleg moské i Yasuf, og indikerte at det var ein stor muslimsk folkesetnad i landsbyen på den tida.[6]
Staden stod oppført i osmanske skattelister i 1596 som Yasuf ar-Rumman i Jabal Qubal nahiya i Nablus liwa. Han hadde eit folketal på 41 hushaldningar og 8 ungkarar, alle muslimar. Landsbybuarane betalte skatt for kveite, bygg, sommaravlingar, oliven, geiter og bikubar.[7]
Den franske oppdagaren Victor Guérin vitja landsby i 1870, og noterte ned kring 350 innbyggjarar. Landsbyen verka særs gammal med gamle murhus og murar. Landsbyen hadde ei rik vassforsyning. Vatnet vart mellom anna nytta for hagar med oliven og granateple.[8] I The Survey of Western Palestine (1882) vart Yasuf skildra som «ein eldgammal landsby,» i ein del med ein romersk veg like ved.[9]
I ei folketeljing i 1922 utført av Dei britiske mandatstyresmaktene hadde Yasuf eit folketal på 172, alle muslimar,[10] medan han i folketeljinga i 1931 hadde 61 busette hus og eit folketal på 257, framleis alle muslimar.[11] I 1945 var folketalet 360, alle arabarar, medan det samla landarealet var 6 068 mål, i følgje ei offisiell landmåling.[12] Av dette var 928 for plantasjar og irrigert land, 1 991 for korn,[13] medan 35 mål var klassifisert som utbygde område.[14]
Israel-Palestina-konflikten[endre | endre wikiteksten]
Den 11. desember 2009 vart Yasuf's Al-Kabir-moskeen vandalisert og sett i brann.[15] Israelsk politi mistenkte israelske busetjarar.[16] Bønetepper og heilage bøker vart øydelagde i brannen, og brannstiftarane hadde skrive på veggane «Me skal brenne dykk alle» og «Førebu dykk på å betale prisen».[16] Eit par månader seinare hadde radikale busetjarar erklært at palestinarar på Vestbreidda skulle få betale «prisen» kvar gong israelske styrkar reiv ned ulovlege israelske busetjingar.[16] Etter hendinga opna israelske styrkar eld mot 100 palestinske innbyggjarar i landsbyen, som demonstrerte mot eldpåsetjinga.[16]
I januar 2010 vart den ekstremistiske busetjaren rabbi Yitzhak Shapira arrestert av israelsk politi for å ha vore involvert i brannstiftinga, men han nekta all involvering og vart seinare sleppt fri på grunn av mangel på bevis.[17][18]
Kjelder[endre | endre wikiteksten]
- Denne artikkelen bygger på «Yasuf» frå Wikipedia på engelsk, den 20. september 2015.
- Wikipedia på engelsk oppgav desse kjeldene:
- Barron, J. B., red. (1923). Palestine: Report and General Abstracts of the Census of 1922. Government of Palestine.
- Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund.
- Dauphin, Claudine (1998). La Palestine byzantine, Peuplement et Populations. BAR International Series 726 (på fransk). III : Catalogue. Oxford: Archeopress.
- Guérin, Victor (1875). Description Géographique Historique et Archéologique de la Palestine (på fransk). 2: Samarie, pt. 2. Paris: L'Imprimerie Nationale.
- Ellenblum, Ronnie (2003). Frankish Rural Settlement in the Latin kingdom of Jerusalem. Cambridge University Press. ISBN 9780521521871.
- Hadawi, Sami (1970). Village Statistics of 1945: A Classification of Land and Area ownership in Palestine. Palestinsk frigjeringsorganisasjon forskingssentral.
- Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2.
- Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine.
- Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund.
- Safrai, Zeev (1994). Økonomien of romersk Palestina (Illustrated utg.). Routledge. ISBN 0-415-10243-X.
- ↑ 2007 PCBS Census Palestinsk statistisk sentralbyrå. s. 112.
- ↑ Yassuf Village: General Information Arkivert 2009-07-14 ved Wayback Machine. Land Research Sentral. 18. september 2008.
- ↑ Dauphin, 1998, s. 810
- ↑ ^ Bustanai Oded, History of the jewish people in the time of first temple - Volume 2, The Open University, s.' 262 (I følgje Yohanan Aharoni).
- ↑ Safrai, 1994, s. 66.
- ↑ Ellenblum, 2003, s. 244.
- ↑ Hütteroth and Abdulfattah, 1977, s. 134.
- ↑ Guérin, 1875, s. 162-3
- ↑ Conder og Kitchener, 1882, s. 378.
- ↑ Barron, 1923, Table IX, UnderNablus sanjak, s. 25
- ↑ Mills, 1932, s. 66
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 61
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 108
- ↑ Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 158
- ↑ West Bank settlers set fire to mosque Arkivert 2009-12-16 ved Wayback Machine., Maan News, 11. desember 2009.
- ↑ 16,0 16,1 16,2 16,3 Mark Weiss (desember 12, 2009). «Mosque fire leads to West Bank clash». The Irish Times. Henta 5. september 2015.
- ↑ «Rabbi arrested, suspected in Vestbreidda mosque arson", BBC News, 27. januar 2010
- ↑ 'IDF to blame for price-tag atmosphere'
Bakgrunnsstoff[endre | endre wikiteksten]
| Kommunar | Biddya · Bruqin · Deir Ballut · Deir Istiya (Wadi Qana) · Farkha · Kafr ad-Dik · Kifl Hares · Qarawat Bani Hassan · Salfit (includes Khirbet Qeis) · Az-Zawiya |  |
|---|---|---|
| Landsbyar | ||