Jóhanna Guðrún Jónsdóttir

Jóhanna Guðrún Jónsdóttir
Fødd	16. oktober 1990
Fødestad	København i Danmark
Fødenamn	Jóhanna Guðrún Jónsdóttir
Alias	Yohanna
Opphav	Island
Instrument	Vokal
Verka som	Songar

Jóhanna Guðrún Jónsdóttir, kjend som Yohanna (fødd 16. oktober 1990), er ein islandsk-dansk songar. Ho vann Söngvakeppni 2009 og fekk representerte Island i Eurovision Song Contest 2009, der ho kom på 2. plass.

Bakgrunn og musikk

Jóhanna vart fødd i København i Danmark, men familien flytta til Island då ho var to år gammal, og ho voks opp i Hafnarfjörður. Som lita lærte ho song på musikkskole. Ho spelte inn den første plata si då ho var ni år gammal, og denne kom ut 16. oktober 2000, I 2001 gav ho ut si andre plate og i 2003 kom den tredje plata, ei samling julesongar. I 2008 gav ho ut si første plate som vaksen, Butterflies and Elvis. Ho studerte ved songakademiet Söngskolinn i Reykjavik.

Eurovision

Eurovision Song Contest 2009

Ved den islandske avstemminga ved Söngvakeppni, den islandske versjonen av Melodi Grand Prix 2009, fekk Jóhanna 28 % av røystene, eller 19 076 røyster. I finalen av Eurovision Song Contest 2009 vart ho nr. 2, berre slått av norske Alexander Rybak.

Eurovision Song Contest 2014

Saman med Hildur Þórhallsdóttir, Kjartan Guðbergsson, Friðrik Jónsson og Ragnheiður Gröndal var Jónsdóttir ein del av den islandske juryen i Eurovision Song Contest 2014 i København i Danmark. Røystene frå juryen vart sett saman med dei islandske telefon-, SMS- og App-røystene, og utgjorde 50 prosent av røystene frå Island. Juryen røysta i den fyrste semifinalen, der Island deltok, og finalen.

Diskografi

• 2009: Butterflies and Elvis
• 2009: Is It True?
• 2009: I Miss You

Deltakar i

• 2009: Eurovision Song Contest 2009 (2. plass)
• 2009: VG-lista Topp 20 (deltakar)