You're Gonna Change (Or I'm Gonna Leave)
| You're Gonna Change (Or I'm Gonna Leave) Singel av Hank Williams | ||
| B-side | ||
|---|---|---|
| Utgjeve | September 1949 | |
| Innspelt | 2. mars 1949 | |
| Studio | Castle Studio, Nashville | |
| Sjanger | Country | |
| Lengd | 2:56 | |
| Selskap | MGM | |
| Låtskrivar(ar) | Hank Williams | |
| Produsent | Fred Rose | |
| Hank Williams-kronologi | ||
| «Mind Your Own Business» (1949) |
You're Gonna Change (Or I'm Gonna Leave) | «My Bucket's Got a Hole in It» (1949)
|
«You're Gonna Change (Or I'm Gonna Leave)» er ein song skriven av Hank Williams. Han kom ut på singel på MGM Records i september 1949 og nådde fjerdeplassen på Best Selling Retail Folk Records-lista.[1]
Bakgrunn[endre | endre wikiteksten]
«You're Gonna Change (Or I'm Gonna Leave)» var den fjerde i ei rekkje på tjue topp 10-hittar på rad som Williams hadde mellom 1949 og nyårsdagen 1953, då han døydde. Songen er eit godt døme på ei typisk A-side av ein Hank Williams-song: ein livleg honkytonk-song ein kunne danse til. I songen skuldar forteljaren kona si om å lyge og åtvarar ho om at ho helst bør endre seg eller så kjem han til å forlate ho for godt. Williams-biografen Colin Escott skriv at songen «tydlegvis oppstod etter ein krangel på Charles Street,»[2] der Hank delte eit ofte konfliktfylt liv med kona Audrey Williams. Han spelte inn songen akkompagnert av Dale Potter (fele), Don Davis (steelgitar), Zeb Turner (sologitar), Clyde Baum (mandolin), Jack Shook (rytmegitar) og truleg Ernie Newton (bass). Han vart spelt inn i Castle Studio i Nashville den 2. mars 1949 med Fred Rose som produsent.[3]
Andre versjonar[endre | endre wikiteksten]
- George Jones spelte inn songen i 1962 på albumet My Favorites of Hank Williams.
- Hank Williams jr. spelte inn songen for albumet sitt The New South i 1977 med Waylon Jennings på gitar og korvokal.
- Tom Petty spelte ein versjon av songen på hyllestalbumet til Williams Timeless: Hank Williams Tribute i 2001.
- Emmylou Harris spelte inn songen i 1980 under innspelinga av bluegrassalbumet hennar Roses in the Snow, men kom ikkje med på det endelege albumet og kom først ut i 2002 som bonusspor på denne plata.
- The Screaming Blue Messiahs spelte inn songen i 1984 på albumet deira Good and Gone
Kjelder[endre | endre wikiteksten]
- Denne artikkelen bygger på «You're Gonna Change (Or I'm Gonna Leave)» frå Wikipedia på engelsk, den 15. november 2020.
- Wikipedia på engelsk oppgav desse kjeldene:
- ↑ Whitburn, Joel (2004). The Billboard Book Of Top 40 Country Hits: 1944-2006, Second edition. Record Research. s. 387.
- ↑ Escott, Colin (2004). Hank Williams: The Biography. Back Bay. s. 106. ISBN 0-316-73497-7.
- ↑ Escott, Colin (2004). Hank Williams: The Biography. Back Bay. s. 332. ISBN 0-316-73497-7.