Zacharias Backer
| Zacharias Backer | |||
| Fødd | 20. oktober 1867 Fredrikstad | ||
|---|---|---|---|
| Død | 22. juni 1940 (72 år) | ||
| Statsborgar av | Noreg | ||
| Yrke | politikar, forretningsdrivande, trelasthandlar, Konsul i diplomatiet | ||
| Ektefelle | Anna Backer | ||
| Alle verv |
| ||
Zacharias Backer (20. oktober 1867–22. juni 1940) var ein norsk næringsdrivar og politikar frå Fredrikstad. Han representerte Fredrikstad og Samlingspartiet i Stortinget 1906-09.
Backer var son til ein trelasthandlar. Etter merkantil utdanning utanlands, byrja han sjølv i trelastnæringa på Wieses bruk i Lisleby. Sidan var han trelastagent til 1892, dreiv samtidig på vegner av faren Fredrikstads tømmerdirektion ei tiårs tid. Desse åra kjøpte han tønnestav i stor stil frå Sverige og Finland, for vidaresal til England og Frankrike. Frå før 1900 var han disponent for Fredrikstad forenede teglverk, eit frima han dreiv i lang tid.
Hausten 1906 vart Backer vald til å representere einmannskrinsen Fredikstad i stortinget. Han var medlem i Jarnbanekomiteen og Komiteen om reguleringa av Mjøsa. I 1908 var han permittert frå 25. mai grunna forretningar. 1909 møtte han ikkje i det heile, ettersom buet hans var under skiftehandsaming. Backer var fleire periodar medlem av bystyret i Frendrikstad, ordførar 1920-22. Som «politisk motstander hørte han til dem som både kunne gi og motta harde hugg uten sure miner eller malplasert fornnærmelse».[1]
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914