Zaporizjzja

Zaporizjzja
ukrainsk Запоріжжя, russisk Запорожье, Zaporozje
by
Ei bru over Dnepr i Zaporizjzja
Flagg våpen
Land	Ukraina
Oblast	Zaporizjzjia oblast
Kommune	Zaporizjzja bykommune
Koordinatar	47°50′0″N 35°10′0″E
Areal	334 km²
Folketal	775 678  (2011)
•  Folketeljing 2001	817 900
Folketettleik	2 322 / km²
Grunnlagd	1770
•  grunnlagd 2	1806
Borgarmeister	Oleksandr Sin
Tidssone	EET (UTC+2)
•  Sommartid	EEST (UTC+3)
Postnummer	69xxx
Retningsnummer	+380 61(2)
Zaporizjzjia 47.85°N 35.1175°E / 47.85; 35.1175
Kart som viser Zaporizjzja. Kart som viser Zaporizjzja.
Wikimedia Commons: Zaporizhzhia
Nettstad: http://www.meria.zp.ua/

Zaporizjzja (ukrainsk Запоріжжя, russisk Запорожье, Zaporozje eller Saporosje) er ein by sør i det sentrale Ukraina ved breidda av elva Dnepr. Han er det administrative senteret i Zaporizjzja oblast og rajon. Sjølve byen er direkte underlagt oblastet og ligg om lag 70 km sør for byen Dnipropetrovsk.

Zaporizjzja vart tidlegare kalla Aleksandrovsk (russisk Александровск) etter kommandanten av den første russiske hæren, prins Aleksandr Golitsyn, men vart i 1921 kalla Zaporizjzja (som tyder «etter stryka» og som viser til stryka i Dnepr nær øya Khortytsia). Han er i dag den sjette største byen i Ukraina med kring 780 000 innbyggjarar (2011).

Zaporizjzja er det viktigaste industrisenteret i Ukraina. Her ligg vasskraftverket DnieproGES, ZAZ, den største bilfabrikken i landet, og Motor-Sich designbyrå og produksjonsselskap som lagar flymotorar.

Byen var i stor grad ein «ingeniørby» under Sovjetunionen med all forureining dette førte med seg. Etter at Ukraina fekk sjølvstende og ein har flytta seg meir mot marknadsøkonomi har dette betra seg. Luftkvaliteten har betra seg, men Zaporizjzja vert likevel ikkje rekna som ein særskild attraktiv by.

Geografi og klima

Aleksandrovsk låg på venstrebreidda av Dnepr, medan byen i dag ligg på begge breidder av elva. Byen dekkjer eit areal på 334 km², 50 meter over havet.

I midten av byen ligg øya Khortytsia (12 km x 2 km), som delar øya i to delar kalla Nye og Gamle Dnepr.

Vêrdata for Zaporizjzja
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Høgast målte °C	12,2	16,2	23,4	31,4	35,9	36,5	39	40,2	35	35	20,9	15	40,2
Gjennomsnittleg maks °C	−0,4	0,4	6,4	15,3	21,9	25,7	28,3	27,9	21,8	14,3	5,9	0,8	14,03
Døgnmiddeltemperatur °C	−3,1	−2,9	2,2	9,9	16,2	20,1	22,5	21,8	16,1	9,4	2,5	−1,8	9,41
Gjennomsnittleg min °C	−5,7	−5,9	−1,5	4,9	10,5	14,6	16,7	15,7	10,9	5,2	−0,2	−4,3	5,08
Lågast målte °C	−29,3	−26,1	−25	−8,2	−2	5	8,9	3,9	−3	−8,9	−18,6	−26,2	−29,3
Gjennomsnittleg nedbør mm	42	35	36	36	43	62	46	39	36	35	44	44	498
Kjelde: КЛИМАТ ЗАПОРОЖЬЯ (på russisk)

Kjelder

---

• Denne artikkelen bygger på «Zaporizhia» frå Wikipedia på engelsk, den 13. februar 2010.

Bakgrunnsstoff

• Offisiell nettstad (ukrainsk) Arkivert 2019-05-23 ved Wayback Machine.
• Zaporizjzja biletgalleri (russisk)