Zetasletta

Zetasletta
Zetska ravnica • Зетска равница
slette
Land	Montenegro
Zetasletta 42.33°N 19.267°E / 42.33; 19.267
Wikimedia Commons: Zeta Plain

Zetasletta (montenegrinsk Zetska ravnica/Зетска равница) er eit frodig lågland i Montenegro. Det strekkjer seg frå Podgorica i nord til Shkodërsjøen i sør og utgjer den største sletta i landet. Den gjennomsnittlege høgda er 40 meter over havet.

Namnet «Zeta» kjem frå ei tidleg rot som tyder ‘innhausting’. Det kan virke noko forvirrande at elva Zeta ikkje renn over Zetasletta, men over ei anna viktig sletta i Montenegro, Bjelopavlićisletta.

Sidan det er få sletter og dyrkbare område i Montenegro er Zetasletta eit av dei tettast folkesette områda i Montenegro. Det store vinområdet Plantaže ligg på Zetasletta. Det vert òg dyrka ein del middelhavsfrukt og grønsaker her.

Podgorica lufthamn ligg på Zetasletta og det same gjer eit aluminiumsverk som vert rekna som den verste forureiningskjelda på sletta.

Golubovci er den største busetnaden på Zetasletta. Han er senter i kommunen Golubovci, som utgjer store delar av sletta.

Kjelder

• Denne artikkelen bygger på «Zeta Plain» frå Wikipedia på engelsk, den 7. februar 2008.