Zulia Calatayud

Frå Wikipedia – det frie oppslagsverket
Hopp til navigering Hopp til søk
Zulia Calatayud
Statsborgarskap Cuba
Fødd 9. november 1979
Havanna
Idrett friidrett
Yrke mellomdistanseløper

Zulia Inés Calatayud Torres' (fødd 9. november 1979) er ein kubansk tidlegare friidrettsutøvar frå Havanna som i 2005 vart verdsmeister på 800-meter.

Aktiv[endre | endre wikiteksten]

I 1999 tok Calatayud andreplassen på 800 m ved panamerika-leikane i Winnipeg i Canada, derimot kom ho ikkje vidare frå forsøka ved verdsmeisterskapen i Sevilla. Under dei olympiske leikane i Sydney hausten 2000 vart ho nummer seks på 800 m, året etter rauk ho ut or Edmonton-VM i semifinalane. Den 19. juli 2002 sette Calatayud i Monaco personleg rekord med 1.56,09. I verdscupen 2002 i Madrid enda ho på fjerdeplass.

Etter ei lang skadepause vart Calatayud i 2004 iberoamerikansk meister og nummer åtte i Sommar-OL i Aten. I 2005-sigra ho både under verdsmeisterskapen i Helsinki og ved verdscupfinalen i Monaco. Nye triumfar hausta ho i 2006, fyrst ved Mellomamerika- og Karibia-lerikane i Cartagena og sidan i verdsfinalen i Stuttgart.

I 2007 var Calatayud noko plaga av skadar, men ved panamerika-leikane i Rio de Janeiro tok ho likevel bronsen på 800 m og gull i 4 x 400-meter stafett med Cuba. Under verdsmeisterskapen i Ōsaka og sommarleikane 2008 i Beijing nådde ho ikkje lengre enn semifinalane på 800 m, i stafettane vart ho i Ōsaka og Beijing høvesvis nummer sju og seks med Cuba.

Calatayud vart Mellomamerika-og-Karibia-meister 2009. Ved VM i Berlin same året nådde ho semifinalane på 800 m og la med Cuba beslag på sisteplassen i 4 x 400-meter stafett-finalen.

Medaljar og plasseringar i internasjonale meisterskap[endre | endre wikiteksten]

  • VM 1999 i Sevilla: Utslått i forsøka på 800 m (2.00,93=nr 19). Nr 7 i x 4 x 400 m stafett
  • OL 2000 i Sydney: Nr 6 på 800 m – 1.58,66. Nr 8 i x 4 x 400 m stafett
  • VM 2001 i Edmonton: Utslått i semifinalane på 800 m (2.01,04=nr 9)
  • OL 2004 i Aten: Nr 8 på 800 m – 2.00,95
  • VM 2005 i Helsinki: Gullmedalje på 800 m – 1.58,82, framom Hasna Benhassi (1.59,42)
  • VM 2007 i Osaka: Utslått i semifinalane på 800 m (2.06,97=nr 24). Nr 7 i 4 x 400 m stafett
  • OL 2008 i Beijing: Utslått i semifinalane på 800 m (1.58,78=nr 10). Nr 6 i 4 x 400 m stafett
  • VM 2009 i Berlin: Utslått i semifinalane på 800 m (2.01,53=nr 16). Nr 8 i 4 x 400 m stafett

Kjelder[endre | endre wikiteksten]