Кувајт
| Држава Кувајт دولة الكويت Dawlat al-Kuwait |
||||||
|---|---|---|---|---|---|---|
|
||||||
| Химна: Ел-Нашид ел-Ватани |
||||||
 |
||||||
| Главен град | Кувајт 29°22′N 47°58′E / 29.367° СГШ; 47.967° ИГД | |||||
| Најголем град | главниот град | |||||
| Службен јазик | арапски | |||||
| Демоним | Кувајќанец | |||||
| Уредување | емират | |||||
| • | Емир | Мишал ел-Ахмед ел-Џебир ел-Сабах | ||||
| • | Премиер | Ахмед Наваф ел-Ахман ел-Сабах | ||||
| Основање | ||||||
| • | прво населување | 1613 | ||||
| • | Бани Утбах | 1705 | ||||
| • | Анго-отоманска конвценција | 1913 | ||||
| • | Независност од Обвединетото Кралство | 19 јуни 1961 | ||||
| Површина | ||||||
| • | Вкупна | 20,000 км2 (157th) | ||||
| • | Вода (%) | незначително | ||||
| Население | ||||||
| • | проценка за г. | 3.000.000[1] (137-ма) | ||||
| • | Густина | 167.5 жит/км2 (68-ма) | ||||
| БДП (ПКМ) | проценка за 2009 г. | |||||
| • | Вкупен | $137.450 милијарди[2] (56-та) | ||||
| • | По жител | $38,875[2] (11-та) | ||||
| БДП (номинален) | проценка за 2009 г. | |||||
| • | Вкупно | $114.878 милијарди [2] (51-ва) | ||||
| • | По жител | $32,491[2] (17-та) | ||||
| ИЧР (2013) | ▼ 0.814[3] многу висок · 46та |
|||||
| Валута | кувајтски динар (KWD) |
|||||
| Часовен појас | AST (UTC+3) | |||||
| • | (ЛСВ) | н/п (UTC+3) | ||||
| Се вози на | десно | |||||
| НДД | .kw | |||||
| Повик. бр. | +965 | |||||
Кувајт или официјално Држава Кувајт (арапски: دولة الكويت, dawlat al-kuwayt) — независна држава со емиратско општествено уредување во Југозападна Азија, поточно на Арапскиот Полуостров. Кувајт се граничи со Саудиска Арабија на југ, со Ирак на север и источно излегува на Персискиот Залив. Кувајт има вкупна површина од 20.000 км2 со население од околу три милиони жители. Главен и најголем град е градот Кувајт, додека пак службен јазик во емиратот е арапскиот јазик.
Историски, регионот бил дел од старата населба Харакена, главно партско пристаниште за трговија помеѓу Индија и Месопотамија. Племето Бани Утбах биле првите доминантни арапски доселеници во регионот и го основале денешниот емират. До 19 век, Кувајт бил под отоманско влијание и по Првата светска војна Кувајт бил под раководство на Британската Империја. Големите кувајтски нафтени полиња биле откриени во 1930-те години. По стекнувањето на својата независност во 1961 година, нафтената индустрија забележала голем развој. Во 1990 година, Кувајт бил окупиран и нападнат од Ирак. Окупацијата на Ирак траела седум месеци и завршила со почетокот на Заливската војна и интервенцијата на САД.[4]
Кувајт е уставна монархија со парламентарен систем на владеење каде градот Кувајт е главен политички и економски центар. Државата е петта држава во светот според нафтени резерви,[5] а петролејот зазема околу 95% од извозот или 80% од приходите на владата.[6] Покрај тоа, Кувајт е единаесетта најбогата држава во светот и според индексот за човеков развој е најразвиена арапска држава.[7] Кувајт е окаракетризирана како високоприходна економија од страна на Светската Банка и еден од главните партнери на НАТО и САД надвор од сојузите.[8]
Потекло на поимот[уреди | уреди извор]
Името Кувајт е добиено од арапскиот збор „akwat“ што во множина е „kout“ и значи изградена тврдина во близина на вода.[9]
Историја[уреди | уреди извор]
Географија и клима[уреди | уреди извор]
Кувајт се наоѓа во севроисточниот дел од Арапскиот Полуостров и спаѓа во групата на мали држави и е за 5.000 км2 помала од Македонија. Повеќето од територијата на Кувајт е покриена со рамната Арабиска Пустина. Државата има слаба разлика во поглед на надморската височина и највисоката точка изнесува околу 306 метри надморска височина.[6] Кувајт има девет острови кои скоро сите се ненаселени, освен островите Фаилака.[10] Најголем остров во државата е Бубија со површина од 860 км2 и е поврзан со копнен Кувајт преку долг мост.[11] Главниот град Кувајт се наоѓа на крајбрежјето. Кувајт е доста богата со нафтени резерви.
Политички систем[уреди | уреди извор]
Кувајт е уставна монархија и има најстар редовно избран парламент во арапскиот свет. На чело на државата се наоѓа емирот и наречен и шеик. Советот на министри е управуван од премиерот кој е и шеф на владата. Владата мора да има најмалку еден избран член од кувајтскиот парламент. Националното собрание има право на распуштање на премиерот или било кој друг член на кабинетот. Сите членови на кабинетот одговараат пред собранието.[12] Собранието се состои од педесет члена кои се избрани за мандат од четири години.
Административна поделба[уреди | уреди извор]
Кувајт е поделен на шест области („мухафази“), и тоа:
Областите се поделени на окрузи.
Стопанство[уреди | уреди извор]
БНП по глава на жител во Кувајт изнесува 60.800 американски долари што ја прави петта најбогата држава во светот. Индексот на човеков развој на Кувајт е 0.912 што е втор најголем во Среден Исток веднаш зад Израел, но највисок во арапскиот свет. Со среден годишен раст од 5.7%, Кувајт е една од најбрзорастечките економии во регионот. Според Индексот на економска слобода од 2008 година, Кувајт е втора најслободна економија во Средниот Исток.[13]
Население, јазик и религија[уреди | уреди извор]
Во 2007 година, се проценило дека Кувајт имал население од околу 3 милиони жители, каде се вброени околу 2 милиони странски државјани.[14] Поради тоа, Кувајќаните се всушност малцинство во споредба со странските државјани кои престојуваат во Кувајт и владата ова го стимулира со доделување на државјанства.[15]
Околу 57% од Кувајќаните се Арапи, 39% се со останато азиско потекло и само 4% се припадници на Бидон. Во 2009, повеќе од 580.000 индиски државјани жители живееле во Кувајт.[16][17] Покрај нив, во Кувајт живееле и 260.000 Египќани, 100.000 Сиријци и 80.000 Иранци.[18] Пред Заливската војна, во Кувајт живееле околу 400.000 Палестинци, но после војната сите биле истерани бидејќи отворено ги поддржувале ирачките окупациско операции.[19]
Службен јазик во Кувајт е арапскиот јазик. Покрај тој, се зборува и персиски јазик,[20] хинди, малајалски, телушки, тамилски, урду, бенгалски и тагалски.
Голем број од жителите на Кувајт се изјасниле како муслимани. Бројот на муслимани во Кувајт варира од 85%[21] до 95%[22]. Иако исламот е официјална религија во Кувајт, во државата има и голема христијанска заедница со околу 300.000 до 400.000 припадници, хиндуси со околу 300.000 припадници, будисти до околу 100.000 припадници и околу 10.000 сики.[23]
Култура[уреди | уреди извор]
Во општеството на Кувајт силно влијание има исламската и арапската култура, најмногу изразена во музиката, кујната и начинот на живот.[24] Најкарактеристична одлика на месното население е деванија што всушност е голема просторија за дружба и собир на мажи и членови на семејство и пријатели.
Наводи[уреди | уреди извор]
- ↑ Department of Economic and Social Affairs Population Division. "World Population Prospects, Table A.1" (.PDF). 2008 revision. United Nations. (консултирано на 2009-03-12)
- ↑ 2,0 2,1 2,2 2,3 „Kuwait“. International Monetary Fund. Посетено на 2009-10-01.
- ↑ „2014 Human Development Report Summary“ (PDF). United Nations Development Programme. 2014. стр. 21–25. Посетено на 27 јули 2014.
- ↑ BBC NEWS World | Middle East | Country profiles | Country profile: Kuwait
- ↑ Oil & Gas Journal, January, 2007
- ↑ 6,0 6,1 „CIA - The World Factbook - Kuwait“. Архивирано од изворникот на 2016-05-21. Посетено на 2009-05-18.
- ↑ „CIA - The World Factbook - Rank Order - GDP - per capita (PPP)“. Архивирано од изворникот на 2013-04-24. Посетено на 2010-04-15.
- ↑ U.S. Designates Kuwait a Major Non-NATO Ally of U.S.
- ↑ Lesko, John P. "Kuwait," World Education Encyclopedia: A Survey of Educational Systems Worldwide, vol. 2, edited by Rebecca Marlow-Ferguson. Detroit, MI: Gale Group, 2002.
- ↑ Bubiyan (island, Kuwait) - Britannica Online Encyclopedia
- ↑ Structurae [en]: Bubiyan Bridge (1983)
- ↑ meepas Kuwait country profile–Kuwait politics, Political snapshot
- ↑ „Index of Economic Freedom“. Архивирано од изворникот на 2008-12-16. Посетено на 2010-04-15.
- ↑ Arab Times Online. „Kuwait population hits 2.992 m; Citizens up in number, down in percentage“. Посетено на 2007-10-07.
- ↑ Kuwait Guide: Citizenship, Is it possible to become a national of Kuwait? As a foreigner, you won’t be grant
- ↑ Economic Times (7 април 2009). „A microcosm of India in the heart of oil-rich Kuwait“. Посетено на 2009-10-04.
- ↑ Kuwait Information Office, New Delhi, India. „Kuwait Embassy Office, New Delhi, India, Services“. Посетено на 2007-10-07.CS1-одржување: повеќе имиња: список на автори (link)
- ↑ "Arab versus Asian migrant workers in the GCC countries" (PDF). UN Department of Economic and Social Affairs.
- ↑ BBC NEWS Middle East | Abbas apology to Kuwait over Iraq
- ↑ http://www.britannica.com/EBchecked/topic/325644/Kuwait/248533/Languages "Hindi, Urdu, Persian, and other languages also spoken"
- ↑ „CIA World Factbook“. Архивирано од изворникот на 2016-05-21. Посетено на 2009-05-18.
- ↑ Miller, Tracy, уред. (2009), Mapping the Global Muslim Population: A Report on the Size and Distribution of the World’s Muslim Population (PDF), Pew Research Center, Архивирано од изворникот (PDF) на 2013-07-25, Посетено на 2009-10-08
- ↑ U.S. Department of State. „Kuwait: International Religious Freedom Report 2006“. Посетено на 2007-10-07.
- ↑ http://www.kuwait-info.com/sidepages/culture_over.asp
Поврзано[уреди | уреди извор]
Надворешни врски[уреди | уреди извор]
 |
„Кувајт“ на Ризницата ? |
- Емир на Кувајт Архивирано на 7 јануари 2007 г.
- Принц на Кувајт
- Шеф на држава и кабинет Архивирано на 14 јануари 2009 г.
- „Светска книга на факти“ на ЦИА — запис за „Кувајт“ (англиски)
- Кувајт на UCB Архивирано на 8 јуни 2008 г.
- Кувајт на Curlie (англиски)
- Кувајтски маркети
.svg)
|