Peder Nilsen
| Peder Nilsen | |||
| Fødd | 22. februar 1846 | ||
|---|---|---|---|
| Død | 25. juli 1921 (75 år) | ||
| Statsborgar av | Noreg | ||
| Parti | Høgre | ||
| Yrke | politikar, ingeniør | ||
| Utdanna ved | Den militære høyskole | ||
| Barn | Ragna Nilsen | ||
| Alle verv |
| ||
Peder Nilsen (22. februar 1846–25. juli 1921) var ein norsk offiser, jarnbanemann, stortingsmann og statsråd for Høgre.
Nilsen var fødd i Tønsberg, far hans var kasserar i sparebanken. Sjølv tok han eksamen ved krigsskulen 1867 og den militære høgskulen i 1871. Han var assistent og seksjonsingeniør ved anlegg på Rørosbanen, Jærbanen og Jarlsbergbanen frå 1872 til 1878. Distriktsingeniør og styrar for Hamar-Tynsetbanen 1878-93. Frå 1897 til 1911 var han overstyrar ved Hovedbanen.
Han var medlem 1882-89 av formannskapet i Hamar. Perioden 1889-91 var Nilsen stortingsmann for valkrinsen Lillehammer, Hamar og Gjøvik. 1889-sesjonen var han medlem og 1889-91 formann i jarnbanekomiteen.
Nilsen var statsråd og sjef for Arbeidsdepartementet frå 1893 til 1897, i regjeringar leia av Emil Stang d.e. og Francis Hagerup. I ein kort periode i 1897 var han statsråd ved Statsrådsavdelinga i Stockholm. Han var formann i ingeniørkommisjonen av 1905.
Han vart utnemnd til riddar av St. Olavs Orden i 1893 og forfremja til kommandør av 1. klasse i 1896.
Nilsen døydde 1921 på Hamar.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Den Kongelige norske Sankt Olavs orden 1847-1947, utgitt av ordenskanselliet ved O. Delphin Amundsen, Grøndahl & Søns Forlag, Oslo, 1947