Frank Ricotti

Frank Ricotti
Fødd	31. januar 1949 (75 år)
Fødestad	London
Fødenamn	Frank Ricotti
Opphav	Storbritannia
Instrument	Vibrafon
Verka som	jazzmusikar, perkusjonist, trommeslagar

Frank Ricotti (fødd 31. januar 1949 i London) er ein engelsk jazz-vibrafonist og perkusjonist.

Ricotti spelte i National Youth Jazz Orchestra som tenåring, og gjekk på Trinity College of Music (1967–70). Han arbeidde med Neil Ardley (1968–71), Dave Gelly, Graham Collier, Mike Gibbs (1969–72), Stan Tracey (1970), Harry Beckett (1970–72), Norma Winstone (1971) og Gordon Beck (1973–74).

Seint i 1960-åra og tidleg i 1970-åra leia Ricotti sin eigen jazzkvartett. Ei besetning av bandet bestod av gitaristen Chris Spedding, bassisten Chris Laurence og trommeslagaren Bryan Spring som spelte inn albumet Our Point of View, i juli 1969. I 1971 gav han i lag med bassisten Mike de Albuquerque ut albumet First Wind (som 'Ricotti and Albuquerque').

I 1980-åra spelte han med Chris Laurence og John Taylor i gruppa Paragonne, og spelte med Beck igjen i 1984. Etter dette har han hovudsakleg arbeidd som studiomusikar og spelt med artistar som Freddie Mercury, Pet Shop Boys, Swing Out Sister, Belle and Sebastian, Clannad, Barclay James Harvest, Meat Loaf, Elkie Brooks, Rick Wakeman, Tina Turner, Aztec Camera, Thomas Anders, Alphaville og Mark Knopfler.

Mellom 1984 og 1987 skreiv Ricotti musikk for Yorkshire Television- Beiderbecke Trilogy, i same stil som Bix Beiderbecke. Musikken vart framført av bandet hans, Frank Ricotti All Stars, og hadde med Kenny Baker på kornett. Eit album med musikken kom ut i 1988. Seinare, i juni 1993, nådde albumet 73. plassen på den britiske albumlista. Ricotti og bandet hans er med i den siste sesongen der dei spelar i ein jazzklubb.

I 2007 spelte Ricotti vibrafon på Mark Knopfler-albumet Kill to Get Crimson.

Kjelder

• Denne artikkelen bygger på «Frank Ricotti» frå Wikipedia på engelsk, den 11. september 2014.
  • Wikipedia på engelsk oppgav desse kjeldene:
• Simon Adams, «Frank Ricotti». Grove Jazz online.