Johann Joseph Fux
| Johann Joseph Fux | |||
 Johann Joseph Fux | |||
| Fødd | kring 1660 | ||
|---|---|---|---|
| Fødestad | Hirtenfeld ved Graz i Austerrike | ||
| Død | 13. februar 1741 (81 år) | ||
| Dødsstad | Wien | ||
| Opphav | Austerrike, Tyskland | ||
| Periode | Barokken | ||
| Sjanger | Kormusikk, kammermusikk, orkestermusikk, opera | ||
| Verka som | Komponist, musikar og musikkteoretikar | ||
Johann Joseph Fux (fødd kring 1660 i Hirtenfeld ved Graz, død 13. februar 1741 i Wien) var ein austerriksk komponist og musikkteoretikar.
Fux var bondeson og ein kjenner lite til det tidlege livet hans, bortsett frå at han rundt 1680 studerte ved universitetet i Graz og mellom 1683 og 1687 i Ingolstadt. I 1696 vart han utnemnd til organist ved Schottenstift i Wien og denne posten heldt han til 1702 da keisarhoffet vart merksam på han og utnemnde han til hoffkomponist. Frå 1701 vart han kapellmeister ved Stephansdom i Wien og i 1711 musikkdirektør ved hoffet, ein av dei viktigaste embeta i det europeiske musikklivet. Som musikkdirektør skreiv han mange operaer og oratorium.
Den mest kjende operaen hans, Costanza e Fortezza, vart oppført i Praha i høve kroninga av keisar Karl VI til konge av Böhmen.
Fux underviste òg komposisjon og av elevane hans var Georg Christoph Wagenseil, Gottlieb Muffat og Jan Dismas Zelenka.
Verk[endre | endre wikiteksten]
Det viktigaste verket til Fux var læreboka i komposisjon Gradus ad Parnassum (1725). Boka var skrive på latin og vart i 1742 omsett til tysk av Lorenz Christoph Mizler, ein av elevane Bach. Boka tente som lærebok i kontrapunkt fram til 1900-talet.
Fux komponerte 18 operaer, 50 messer, tre rekviem, 57 vesperar og salmar, 10 oratorium og 29 partitaer.
I motsetnad til Gradus ad Parnassum gjekk musikken hans fort i gløymeboka.
Kjelder[endre | endre wikiteksten]
- Denne artikkelen bygger på «Johann Joseph Fux» frå Wikipedia på bokmål, den 2. mai 2010.