Fredericia

Fredericia
Land	Danmark
Region	Region Syddanmark
Kommune	Fredericia kommune
Folketal	41 243  (2023)
Fredericia 55.564444444444°N 9.7597222222222°E / 55.564444444444; 9.7597222222222
Wikimedia Commons: Fredericia

Statua Landsoldaten er til minne om Slaget i Fredericia 6. mai 1849.

Fredericia er ein hamneby ved Lillebælt på Jylland i Danmark. Byen har 41 243 ibuarar i 2023, og er administrasjonssenter i Fredericia kommune.

Fredericia er ein industriby med mellom anna Danmarks største bryggeri (i Carlsberg-gruppa). Havsdjupna i Lillebælt er årsaka til at Fredericia hamn er Danmarks største godshamn. Jarnbane-stasjonen er eit sentralt punkt i «Trekantområdet Danmark», eit tett samarbeid mellom åtte kommunar i denne delen av Jylland. Fredericia har fleire museum.

Soge

Byen vart grunnlagt i 1649 då kong Fredrik III ville bygge ei festning for Jylland og trygge sambandet mellom Jylland og dei danske øyane. Bykjerna er innretta som festning og er prega av mange låge hus, kyrkjer utan tårn og rettvinkla gater. Fredericia fekk visse privilegium som trusfridom, asylrett og liknande. Så frå 1682 til 1849 var byen tilfluktsstad for religiøst forfylgde utlendingar, i særleg grad hugenottar og jødar. Festninga var lagt ned i 1909 og festningsområdet er i dag nasjonalt minnesmerke. Trinitatis kirke er frå 1689-90.

Fredericia er venskapsby med Kristiansund.

Kjelder

• Fredericia i Store norske leksikon

Bakgrunnsstoff

Commons har multimedium som gjeld: Fredericia

• Offisiell nettstad