Inger-Lise Skarstein
| Inger-Lise Skarstein | |
| Statsborgarskap | Noreg |
| Fødd | 6. juli 1937 (86 år) Oslo |
| Yrke | politikar, speaker |
| Politisk parti | Høgre |
| Ektefelle | Jakob Skarstein |
Inger-Lise Skarstein (fødd Haug, 6. juli 1937 i Oslo) er ein norsk politikar for Høgre. Ho vart innvald på Stortinget frå Hordaland i 1977. Ho er òg kjent for å ha vore kanalvert i NRK. I 1959 vart ho den første kanalverten i NRK TV, og var blant anna hallodame (TV-vertinne) den første kvelden NRK sende offisielle sendingar 20. august 1960.[1] Ho var i nærare sju år styreleiar i stiftelsen Norsk Kulturarv.[2] Skarstein var medlem av fylkestinget i Hordaland 1975-1979. Ho har hatt ei rekkje andre verv, blant anna som leiar av Byggeskikkutvalet til Staten, styremedlem i landsstyret for Noregs Naturvernsforbund og styremedlem i Fortidsminnesamskipnaden sin hovedstyre. I 1998 vart ho tildelt Kongen sin fortenstemedalje i gull for innsatsen sin for friluftsliv, naturvern og kultur gjennom engasjementet sitt i frivillige organisasjonar og i politisk arbeid.[3]
Inger-Lise Skarstein er gift med kringkastingsmannen Jakob Skarstein.
Stortinget sitt presidentskap[endre | endre wikiteksten]
- 8. oktober 1981–30. september 1985 - Første varapresident i Odelstinget
Stortingskomitéer[endre | endre wikiteksten]
- 1985–1989 - medlem i Samferdslekomitéen
- 1981–1985 - sekretær i Samferdselskomitéen
- 1981–1985 - mellombels nestformann i Samferdselskomitéen
- 1981–1985 - sekretær i Samferdslekomitéen
- 1977–1981 medlem i Kommunal- og miljøvernkomitéen
Kjelder[endre | endre wikiteksten]
- Denne artikkelen bygger på «Inger-Lise Skarstein» frå Wikipedia på bokmål, den 19. desember 2015.
- ↑ Norges første kjendis av Unn Conradi Andersen, Dagbladet.no 18. mars 1999
- ↑ Styret, Norsk Kulturarv, besøkt 16. desember 2009.
- ↑ Bergens Tidende, 28. november 1998.