Savourna Stevenson
Savourna Stevenson | |||
Fødd | 1961 (63 år) | ||
---|---|---|---|
Opphav | Storbritannia | ||
Instrument | harpe | ||
Verka som | komponist |
Savourna Stevenson (fødd 1961) er ein skotsk harpist og komponist.[1]
Ho er dotter av den skotske komponisten Ronald Stevenson.[2] Skodespelaren Gerda Stevenson er syster hennar.
Den musikalske karrieren til Stevenson byrja på slutten av 1970-talet. Som 15-åring spelte ho i Queen Elizabeth Hall med folkemusikkartistar som Fairport Convention, Ralph McTell og Martin Carthy. Seinare arbeidde ho i lag med Dave Swarbrick, Aly Bain og Davy Spillane.
Ho byrja få oppdrag om å skriva ny musikk til teater, dansar og konserter. Ho fekk fyrst nasjonal merksemd med albumet Tweed Journey i 1989, som skildrar ein reise nedover elva Tweed - ei grenseelv mellom England og Skottland – frå kjelda til munningen hennar i Berwick-upon-Tweed. På dette albumet eksperimenterte ho med harpa i ei elektrisk setting med jazz- og rockemusikarar.
På albumet Tusitala: Teller of Tales (1994) fekk ho hjelp av musikarar frå heile folk/rock/jazz-spektrumet i å framføra musikk som ho hadde skrive for BBC-tv-serien Stevenson's Travels.[3]
Seinare har ho samarbeidd med Bhundu Boys og Toumani Diabate, og opptredd på Womad-festivalar over heile verda. Som songskrivar har ho arbeidd med skribentar som Michael Marra og songarar som June Tabor og Eddi Reader.
Hennar Harp String Quartet blei nytta i den amerikanske TV-serien Sex and the City, medan orkesterverket hennar Misterstourworm and the Kelpie's Gift blei oppført for fyrste gong av Royal Scottish National Orchestra i 2003. Ho fekk då ei bestilling av Children's Classic Concerts om å skriva eit nytt verk for born. Resultatet, Hansel and Gretel, fekk premiere og turnerte gjennom Skotland i 2005.
Albumet hennar Persian Knight Celtic Dawn frå 2006 er ein blanding av keltisk musikk og impulsar frå midtaustenmusikk. Det har songarrangement av tekstar frå Profeten av Khalil Gibran og tekster av den gæliske diktaren Aonghas MacNeacail.
Diskografi[endre | endre wikiteksten]
- Album
- Tickled Pink (1985)
- Tweed Journey (1990)
- Cutting the Chord (1993)
- Tusitala, Teller of Tales (1994)
- Singing the Storm (1996)
- Calman the Dove (1998)
- Touch Me Like the Sun (2000)
- Persian Knight Celtic Dawn (2006)
- Samliealbum
- Celtic Harp (2000)
- Medarbeidar
- Unwired: Acoustic Music from Around the World (1999) World Music Network
Kjelder[endre | endre wikiteksten]
- ↑ «Well connected from the Middle East to Sex and the City». The Scotsman. 1 January 2006. Henta 26 November 2014.
- ↑ Gasser, M., "Ronald Stevenson, Composer-Pianist : An Exegetical Critique from a Pianistic Perspective" (Edith Cowan University Press, Western Australia, 2013)
- ↑ Gilchrist, Jim, Arbitrary Boundaries, in Ross, Raymond (ed.), Cencrastus No. 52, Summer 1995, pp. 35 & 36, ISSN 0264-0856
- ↑ «Savourna Stevenson».
- Denne artikkelen bygger på «Savourna Stevenson» frå Wikipedia på engelsk, den 21. september 2023.