Shotts and Dykehead Caledonia Pipe Band

	Shotts and Dykehead Caledonia Pipe Band
	;
Skipa	1910
Nettstad	http://www.shottspipeband.com/

Shotts and Dykehead Caledonia Pipe Band er eit sekkepipekorps av fyrste klasse frå Shotts i North Lanarkshire-regionen i Skottland. Korpset har vunne World Pipe Band Championships 16 gonger.

Historie[endre | endre wikiteksten]

Shotts and Dykehead Caledonia Pipe Band blei skipa i 1910 av pipe major Dugald MacFarlane.^[1] Korpset kjøpte den fyrste uniforma si med kiltar i McKenzie-tartan i 1914. Trass i at det deltok i mange tevlingar fekk ikkje korpset suksess før Tom McAllister tok over leiarrolla i 1929.^[1] I 1935 vann det verdsmeisterskapen i 2. klasse, og blei oppgradert til 1. klasse for sesongen 1936, då det vann den britiske meisterskapen på fyrste forsøk.^[1] Etter at tevlinga var stoppa under andre verdskrigen, vann korpset verdsmeisterskapen i 1948 og 1952 under Tom McAllister, og det blei 21 store meisterskap under leiarskapen hans.^[1]

Sonen til Tom McAllister, John Kerr McAllister, tok over som pipe major i 1954, i samarbeid med trommeleiaren Alex Duthart.^[1] Under dette leiarskapet vann korpset fire VM på rad frå 1957 til 1960, ein rekord for den tida.^[1] Etter å ha mista fleire medlemmar, inkludert Alex Duthart, tevla ikkje korpset i 1963. Willie Stevenson blei utnemnd som trommeleiar, og korpset tevla att i 1964.^[1]

John Kerr McAllister blei pensjonert i 1968, etter å ha leia bandet til å vinna 26 store meisterskap. Han blei etterfølgd av ein yngre bror, Tom McAllister Junior.^[1] Alex Duthart kom tilbake i 1970, og dei neste tolv åra før Tom pensjonerte seg, vann bandet 23 andre store meisterskap,^[1] inkludert VM i 1980.^[2] Alex pensjonerte seg i 1982 og Tom i 1984, og blei etterfølgd av John Scullion som leiande trommeslagar og James A. Bell som pipe major.^[1] Ved slutten av 1986 tok Robert Mathieson og Jim Kilpatrick, som var medlemmar av bandet, over som høvesvis pipe major og leiande trommeslagar.^[1] Korpset vann 30 store meisterskap under Mathieson, som pensjonerte seg ved slutten av 2010 og blei erstatta av Gavin Walker.^[1]