Thisted kommune
| Thisted kommune | |||
| kommune | |||
| Land |  Danmark
| ||
|---|---|---|---|
| Region | Nordjylland | ||
| Adm.senter | Thisted | ||
| Areal | 1,072 km² | ||
| Folketal | 42 989 (2024[1]) | ||
| Folketettleik | 40 102 / km² | ||
| Borgarmeister | Niels Jørgen Pedersen | ||
| Kommunenummer | 787 | ||
 Thisted kommune 56°57′10″N 8°36′10″E / 56.9528°N 8.6027805555556°E | |||
 | |||
| Wikimedia Commons: Thisted Kommune | |||
| Nettstad: www.thisted.dk | |||
Thisted kommune er ein kommune i Thy (på Nørrejyske Ø) i Region Nordjylland i Danmark, skipa i samvar med Kommunalreforma i 2007 ved at dei tidlegare kommunane Hanstholm, Thisted (1970-2006) og Sydthy vart slege saman.[2]
Innbyggjartalet er 42 989 (2024).
Administrasjonssenteret i Thisted kommune er hamnebyen Thisted, den største byen i kommunen, som ligg attmed Limfjorden. Fiskeri- og hamnebyen Hanstholm på Nordsjøkysten med 2.276 innbyggjarar (2012) har lenge vore ein viktig hamn for ferjesamband til mellom anna Noreg. Under andre verdskrigen bygde den tyske okkupasjonsmakta tallause bunkerar og tungt kystbatteri i nærleiken av Hanstholm (Verteidigungsbereich Hansted). Desse stod i samband med liknande innretningar i Kristiansand i Noreg, det såkalla Batterie Vara på Møvik fort. Meininga med dette opplegget var å stengje sjøvegen til Aust-Noreg, Kattegat, Austersjøen og Baltikum for allierte sjøstridskrefter.
Borgarmeistrar[endre | endre wikiteksten]
- Niels Jørgen Pedersen (V) 2022–[3]
- Ulla Vestergaard (S) 2018–2021
- Lene Kjelgaard Jensen (KF) 2010–2017
- Erik Hove Olesen (S) 2007–2009[4]
Referansar[endre | endre wikiteksten]
- ↑ «De Kommunale Nøgletal» (på dansk). Indenrigs- og Sundhedsministeriet. Henta 16. mai 2024.
- ↑ Thisted Kommune frå den Store Danske
- ↑ Katrine Falk Lønstrup; Chris Lehmann; Laura Bejder Jensen (17. november 2021). «Lær de nye borgmestre at kende: Hele 38 kommuner har fået nye borgmestre efter kommunalvalget. Altinget giver dig overblikket her.». Altinget.dk (på dansk). Wikidata Q125191695.
- ↑ Ulrik Kjær; Niels Opstrup (2018), Danske borgmestre 1970-2018 (PDF) (på dansk) 2018 (33), Syddansk Universitet, Wikidata Q111669101