Sjå kjelda til Australrøyrdrum

{{taksoboksLua|taksonomi_WD=ja
| bilete = Hurepo.jpg
| bilettekst = <small>Illustrasjon av John Gerrard Keuleman, public domain</small>
| kart = Botaurus poiciloptilus map.svg
}}
'''Australrøyrdrum''' (''Botaurus poiciloptilus'') er ein [[vassfugl]] i [[hegrefamilien]], ein [[Røyrdrumar|røyrdrumart]] med leveområde i [[Australia]], på [[New Zealand]] og nokre nærliggande øyar. Arten er nært knytt til den eurasiske arten [[røyrdrum]]. Verdspopulasjonen er svært låg og er minkande. 

== Skildring ==
Australrøyrdrumar blir mellom 66-76 [[centimeter]] i kroppslengd. Hoene veg i gjennomsnitt ca. 1000 [[gram]], og hannane rundt 1400 gram<ref name="heather">Barrie Heather og Hugh Robertson, ''The Field Guide to the Birds of New Zealand'' (revised edition), Viking, (2005) ISBN 978-0-14-302040-0</ref> med stor variasjon.<ref> Kushlan et al., S. 302 </ref> Skilnaden i storleik mellom kjønna kan oppdagast sjølv med feltobservasjonar.

Australrøyrdrumar har ein kroppsfasong som liknar arten [[røyrdrum]], ved at dei er ganske kompakte, halsen er tjukk og [[fjørdrakt]]a brunspraglete. Hovudet er brunt, [[nebb]]et er gult til gulbrunt og bein og føter er i gul til olivengrøn farge. [[Regnbogehinne|Irisen]] er gul. Over auget har dei ei kremkvit, fin augebrynlinje. Andletsidene er lysare gulbrune. Frå nebbet på kvar side av andletet følgjer ei mørk stripe nedover halsen. Nakken og ryggen er mørk brun med stripar som gjev fuglen totalinntrykket av sterkt flekka og spreklete utsjånad. Dekkfjørene på vengene har fine brune og gulbrune striper. Strupen og øvre halsen er kvite. Brystet er kvitt med store brune langsgåande flekker. Buken er kvit. 

Flyginga er tung, oppskremte australrøyrdrumar flyg berre korte avstandar til dei finn eit skjul. Om dei flyg over lengre avstandar, nyttar dei langsame regelmessige vengeslag, halsen er då samantrekt og føtene utstrekte som hos andre hegrefuglar.

Moglege forvekslingsartar i utbreiingsområdet kan vere [[juvenil]]e [[nankinghegre]] og [[gulhalsrøyrdrum]], men australrøyrdrum er monaleg større enn desse to artane.

=== Utbreiing og habitat ===
Australrøyrdrumen hekkar i det søraustlege og sørvestlege Australia. Han hekkar òg på øyane i [[Bass-sundet]], på [[Tasmania]], [[New Zealand]] og [[Ny-Caledonia]]. Arten er i utgangspunktet ein [[standfugl]]. 

Intensivt [[jordbruk]], følgt av ei omfattande drenering, gjer at det berre står att nokre få eigna leveområde i det vestlege Australia, her finst det ca. 100 hekkande par.<ref> Higgins, S. 1057 </ref> I dei australske delstatane [[New South Wales]] og [[Delstaten Victoria|Victoria]] er australrøyrdrumar enno relativt vanlege i [[nedslagsfelt]]et for [[Murray-elva]] og den viktigaste bielva [[Darling-elva|Darling]]. I New Zealand var populasjonen estimert til 580-725 individ i 1980.<ref name="heather"/>

Australrøyrdrumen har habitat i våtmarksområde med ferskvatn, særleg der dei har tett dekkje av [[takrøyr]]. Fjørdrakta gjev dei god kamuflasje, dei held seg godt skjult og blir sjeldan sett utanfor takrøyrområde. Dessutan beitar dei helst om natta og blir oftast sett i grålysing og skumring, men om vinteren kan dei tidvis observerast på dagtid.

=== Føde ===
Australrøyrdrumar lever for det meste einslege, svært sjeldan kan dei observerast i par eller i små grupper på opp til tolv fuglar. Når dei søkjer føde, flyttar australrøyrdrumar seg sakte i ei nedhuka haldning. Om dei blir ura tar dei «pålestillinga» med nebbet peikande opp, som er karakteristisk for røyrdrumar. Dietten består av [[fisk]], [[froskar]], [[krepsdyr]], [[insekt]], [[edderkoppar]], [[blautdyr]], [[øgler]], [[rotter]], [[mus]] og [[småfuglar]].

=== Hekking ===
Hekkesesongen i perioden frå september til februar. Reiret er vanlegvis bygd på ei takrøyrplattform 25-30 cm over vassflata. Australrøyrdrumar hekkar einslege, hofuglen byggjer reiret aleine før ho legg kullet av 3-5 egg. Hoa gjer òg ruginga aleine og gjev omsut for ungane. Rugetida er ca. 25 dagar og ungane er flygedyktige etter ca. sju veker.<ref name="heather"/>

=== Vern og status ===
Arten har status som sterkt truga (EN), og bestanden er estimert å ligge ein stad i området 1&nbsp;500 til 4&nbsp;000 individ (2008), og er minkande.<ref>BirdLife International 2013</ref>

== Kjelder ==
<div class="references-small">
* ''Denne artikkelen bygger på «[[:de:Australische Rohrdommel|Australische Rohrdommel]]» frå {{Wikipedia-utgåve|de}}, den 18. februar 2013.'' 
** ''{{Wikipedia-utgåve|de}} oppgav desse kjeldene: ''
:* P. J. Higgins (Hrsg): ''Handbook of Australian, New Zealand & Antarctic Birds'', Band 1, Ratites to Ducks, Oxford University Press, Oxford 1990, ISBN 0-19-553068-3
:* James A. Kushlan & James A. Hancock: ''Herons''. Oxford University Press, 2005, ISBN 0-19-854981-4
</div> 
<div class="references-small">
* [[BirdLife International]] (2013) Species factsheet: ''[http://www.birdlife.org/datazone/speciesfactsheet.php?id=3767 Botaurus poiciloptilus] {{Webarchive|url=https://web.archive.org/web/20130411031416/http://www.birdlife.org/datazone/speciesfactsheet.php?id=3767 |date=2013-04-11 }}''. Henta frå http://www.birdlife.org den 18. februar 2013.
</div>
=== Referansar ===
{{fotnoteliste}}

== Bakgrunnsstoff ==
{{commons2|Category:Botaurus poiciloptilus}}

[[Kategori:Hegrefamilien]]
[[Kategori:Fuglar i den australske regionen]]